13 gi-imbestigahan tungod sa anomaliya sa SAP

GIKUMPIRMA sa Police Regional Office (PRO)-Northern Mindanao nga kamulo pa ang imbestigasiyon karong panahona sa Criminal Investigation and Detection Group (CIDG) kalabot na sa mga reklamo batok sa anomaliya sa pagpang-apud-apod sa Social Amelioration Program (SAP) sa rehiyon.

Kini mao ang probinsya sa Bukidnon, Lanao del Norte, Misamis Oriental ug Cagayan de Oro City.

Sa Bukidnon, dunay duha ka mga handled cases, tulo ka complaints ug upat ka suspetsado; sa Lanao del Norte, usa ka handled case, usa ka complaint ug duha ka suspetsado; sa Misamis Oriental, duha ka handled cases, tulo ka complaints ug tulo ka suspetsado; ug sa Cagayan de Oro adunay usa ka handled cases, usa ka complaints ug upat ka suspetsado.

Gibutyag ni Police Lieutenant Colonel Mardy Hortillosa, tigpamaba sa PRO-Northern Mindanao, nga ang CIDG ang nag-imbestigar niini karong panahona apan giklaro nga wala pay napasaka nga kaso.

"Sa number of suspects sa Bukidnon upat, Lanao del Norte duha, Cagayan de Oro, upat ug Misamis Oriental, tulo. So ongoing pa ang investigation wala pay kaso nga gipasaka sa ani nga mga gipang-imbestigar," matud ni Hortillosa.

Gidugang pa nga gipalawman pa ang imbestigasiyon ilabi na nga dunay nasuta kaniadto nga reklamo nga nawala ang ilang ngalan ug gibalhin matud sa usa ka healthcare worker sa barangay apan atol sa inisyal nga imbestigasiyon nasuta nga gibalhin sa iyang anak.

"During sa pag-investigate walay ngalan to nga healthworker tapos ang iya dayon nga pangalan nawala kay ngano 2015 naa pa siya pero naa naman siya'y income. So giwala na buot pasabot nga wala na siya didto tungod kay naa na siya'y income gibalhin didto sa iyahang anak," dugang niini.

Pasabot niini nga kato nga kaso dili na mapasaka tungod kay walay anomaliya samtang tan-awon pa pag-ayo ang maong mga reklamo kalabot na niini ug aron makakuha og insaktong ebedinsya aron nga makapasaka og tukmang kaso kung mapamatud-an nga duna'y mga kalapasan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph