SAGAD sa mga lungsod sa ikaduhang distrito nagpadayag sa ilang suporta kang Lakas-Kampi-CMD presidential bet Gilberto Teodoro.

Daghan sab sa mga mayor sa ubang mga distrito nga mga sakop sa One Cebu ang subling niinsister sa ilang suporta kang Teodoro ug kang Gobernador Gwen Garcia.

Sa segundo distrito, ang lungsod sa Dumanjug lang ang wa mopadayag og suporta kang Teodoro.

Click here for Election 2010 updates

Kini agig tubag sa mga pamahayag ni 1st district Rep. Eduardo Gullas nga ang Sugbo adto mosuporta kang Nacionalista Party standard bearer Manny Villar.

Si Samboan Mayor Peter John Calderon nipadayag sa iyang hugot gihapon kaayong suporta kang Teodoro ug sa gobernador.

Kagabii, sa ilang rali sa Argao, gitakdang motambong si Teodoro ingon man siya ug ang uban pang mga mayor aron ipakita ang wa pag-usab sa ilang suporta.

Siya nipasabot nganong anha siya kang Teodoro. “I think Gibo will make the best president among all the presidentiables. He is best prepared to be the next president,” nagkanayon si Calderon.

Lain pang nipadayag sa ilang suporta kang Teodoro mao sila si Toledo city Mayor Arlene Zambo sa third district ug Daanbantayan Mayor Sun Shimura sa 4th district.

Sa sayo pa, si Gullas niingon nga ang Sugbo “make Sen. Manuel Villar the next president.”

Apan, dali sang nitubag si One Cebu spokesman Rory John Sepulveda nga “there’s no semblance of truth to a national broadsheets report” nga ang mga kaalyado ni Arroyo sa Cebu namiya na kang Teodoro.

“I believe in Gibo. For me he is a fresh face in politics and I appreciate his convictions,” matod ni Zambo.

“We’ll do our best. We will work hard for him in our city,” saad ni Mayor Shimura.

Ang mga spekulasyon sa pagbiya sa mga kaalyado ni Arroyo ug nitapon ngadto kang Villar nitumaw human sa usa ka tigom tali sa senador ug pipila ka mga opisyal.

Apan, gibugnaw gilayon ni Gobernador Garcia ang mao nga mga hugonhugon kay matod niya si Teodoro lang ang iyang suportahan nga kandidato.

Iya ning giluwatan sa iyang gipatawag nga tigom tali sa mga mayor.

Daghan sa mga mayor nga mga kaalyado ni Garcia ang namahayag nga nagpabilin silang loyal sa One Cebu ug sa gisuportahan ni Garcia nga si Teodoro. (REV/dugang taho sa Sun.Star)