Covid testing lab sa MCIAA tukuron

USA ka Covid-19 testing laboratory ang tukuron sa Mactan Cebu International Airport Authority (MCIAA) alang sa repatriated Overseas Filipino Workers (OFW) ug seafarers sa lalawigan ug dakbayan sa Sugbo.

Mao kini ang gitanyag sa GMR-Megawide Cebu Airport Corporation (GMR-MCAC) atol sa pakigtagbo niini ni Gobernador Gwendolyn Garcia sa Miyerkules, Mayo 20.

Kini tukoron aron dili na malangan ug matanggong sa Ninoy Aquino International Airport (NAIA) sa kaulohan ang OFWs ug seafarers, paghuwat sa resulta sa swab test.

Gibutyag ni Andrew Harrison ang chief executive adviser sa GMR-MCAC nga sa kinatibuk-an dunay moabot 20 mil ka mga OFW nga padayong nanguli sa nasud.

Sa maong gidaghanon, dili kini dayon ma-accomodate tanan sa kaulohan. Tungod usab sa agian nga proseso una makapauli sa tagsa tagsa ka mga lugar.

Ang maong pasilidad gilaraw nga mahuman na sulod sa 15 ka adlaw. Matod ni Harrison nga sa maong paagi makatabang usab kini pagbanhaw sa ekonomiya sa Sugbo.

"If OFWs will use the local hotels as quarantine locations, those people who work on the hotels is protected. So many different, it may be cafes, restaurants and other services. All of them means kickstaring so that they can continue to have their jobs and continue to earn," matod ni Harrison.

Gipasabot niya nga adunay paagi nga ang mo bayad sa testing mao ang Overseas Workers Welfare Administration (Owwa) ug Maritime associations.

Tungod niini, diretso na nga makapauli ang mga OFW dinhi sa Sugbo ug anhi na mopaubos sa pagsulay.

Si Garcia nagkanayon nga ang resulta sa pagsulay molanat lang ug 24 oras o usa ka adlaw.

Samtang naghuwat sa resulta ipaubos una sa katorse ka adlaw nga kwarantina sa mga gi identify nga hotels sa Sugbo ang mga OFW. Kon negatibo ang resulta niini, mahimo na kining makapauli sa tagsa tagsa ka lungsod.

"At least for one day makuha na ang results unya if they are negative then magda na silag certificate from DOH nga they have been tested negative, PCR testing ni ha. Mao na to ang ilang ipakita sa local government unit. Pero subject to the decision of the LGU whether mag quarntine its really up to the LGU," matod ni Garcia. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph