SUPERBALITA CEBU

Public schools sa lalawigan moabli karong Agusto 24

NAHUKMAN sa mga opisyal sa Department of Education (DepEd) 7 nga kutob na lang sa Hunyo 15 ang pagpagamit sa mga tunghaan sa lalawigan nga gihimong quarantine ug isolation facilities.

Kini maoy gipahibalo ni Gobernador Gwendolyn Garcia atol sa pulong sa mga kadagkoan niadtong Miyerkules, Mayo 20.

Nahiusahan ang maong desisyon human nga mobalik na ang klase sa mga tinun-an sa Agusto 24.

Ang mga local government unit (LGU) ug Scools Division Office (SDO) nagkasabot nga himuong temporaryong quarantine facilities ang mga tunghaan pinaagi sa usa ka memorandum of agreement (MOA).

Sa nasabutan, kutob Mayo 31 lang ang pagpagamit sa DepEd sa mga tunghaan.

Si DepEd Cebu Province Supt. Marilyn Andales mibutyag nga sa kinatibuk-ang 44 ka mga munisipalidad, 21 ka mga lungsod ang mi gamit sa mga tunghaan.

Sa Hunyo 1, gikatakda ang pag paubos sa mga magtutudlo sa pagbansay bansay alang sa pag adapt sa bag-ong normal ingon man ang enrollment.

Aron nga mawa ang kahadlok sa mga ginikanan sa hulga sa covid, ang Department of Health (DOH) 7 mo isyu ug certification pagpamatuod nga covid-free ang tunghaan og luwas kini nga gamiton sa mga magtutudlo og tinun-an.

Si Garcia nangayo usab sa continuity plan sa DepEd ug Commission on Higher Education (CHEd) aron masiguro nga duna kini plano nga nalatid panahon nga dunay mga kakulian. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph