SUPERBALITA CEBU

4 Ormocanon nga natanggong sa Palo, Leyte kuhaon sa lokal nga kagamhanan

LEYTE. Kuhaon na sa Lokal nga Kagamhaman sa Ormoc City ang upat niini ka residente nga natanggong karon sa Palo, Leyte gumikan sa isyu sa saktong koordinasyon. (Hulagway iya ni John Kevin D. Pilapil)

KUHAON na sa Lokal nga Kagamhaman sa Ormoc City ang upat niini ka residente nga natanggong karon sa Palo, Leyte gumikan sa isyu sa saktong koordinasyon.

Si Ormoc City Mayor Richard Gomez nagpadala og suwat sa opisina ni Executive Secretary Salvador Medialdea kinsa chairperson sa Balik Probinsya, Bagong Pag-asa Council.

Ang suwat ni Gomez may petsa nga May 21, 2020.

Nianang buntag sa Mayo 21 lang sila gipahibawo sa nagsingabot nga upat ka tawo.

Dugang sa Mayor, sa samang adlaw lang sab sila gipahibawo nga dunay unom ka taga Ormoc ang apil sa Balik Probinsya Program.

Nasayran nga bag-o lang usab nakadawat og email ang LGU sa listahan sa mga mo abot.

Matod ni Gomez, apiki kaayo sila gipahibawo nga unta dunay kamanduan (IATF Order No. 2020-02) ang National Inter Agency Task Force (NIATF) nga dapat mapahibawo ang LGU Ormoc tulo ka adlaw sa una pa ang pag biyahe.

Nakurat usab si Gomez sa dihang gipahibawo siya nga ang maong kamaduan sa IATF lahi sab sa kamanduan sa Balik Probinsya Program.

Apan giklaro sa mayor nga wala pa usab makadawat og guidelines sa Balik Probinsya Program ang LGU Ormoc.

"In the absence of any such guideline, I must insist that the NTF Against Covid-19 Order No. 2020-02 be observed," matod sa mayor.

Matod sa mayor, dapat dunay saktong koordinasyon sa LGU Ormoc ang pagpauli sa taga Ormoc kay duna sab mga protocols ang dakbayan nga dapat sundon.

"For another and more importantly, proper coordination as espoused in the NTF Against Covid-19 Order No. 2020-02 is more accord with the principles of decency amd courtesy, and allows the LGUs to exercise their autonomy towards the unified, cohesive and orderly implementation of the national policy to address Covid-19, as stated in the Bayanihan To Heal As One Act," pasabot sa Mayor

Buot sa Mayor nga dapat dunay igo nga panahon ug koordinasyon sa pag-abot sa taga Ormoc aron mas ilang mapangandaman ang tanan nga proseso sa pagdawat sa mga stranded.

Bisan sa kaapiki, gipaasikaso ni Gomez ang pag-validate sa indentity ug pinuy-anan sa unom ug ubang mga impormasyon nga gikinahanglan sa una pa dawaton.

Nasayran nga taga Ormoc gyud kini ug sa Sabado kuhaon na kini sila sa LGU Ormoc ug dad-on dritso sa Ormoc City Medical Society Building para sa profiling ug dad-on sa Isolation Center sa Dolores.

Sa unom nga nakalista, upat pa ang niabot, usa niini taga Boroc, taga Tambulilid, taga Ipil ug Bayog.

Matod ni Gomez, walay problema ang pagdawat sa mga taga Ormoc nga na stranded apan kinahanglan lang ang saktong koordinasyon. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph