SUPERBALITA CEBU

18 bag-ong gi-Covid sa Cebu City; 20 sa lalawigan

ANG Cebu City Heath Department (CHD) nitala og 18 ka bag-ong mga kaso sa coronavirus disease sa Mayo 23, 2020.

Ang bag-ong mga kaso nagagikan sa Barangay Duljo Fatima (2); Block 3, Suba (3); Alveola St., Tejero (1); Enriquez, Punta Princesa (1); Hipodromo (1); Villa Manga, Basak Pardo (1); Mambaling (3); Lincoln St., Ermita (2); Labangon (1); Panaghiusa, Basak San Nicolas (1); ug Magsaysay St., Pasil (2).

Natala usab sa CHD ang bag-ong nangamatay nga nagagikan sa Barangay Duljo Fatima, Ermita, Hipodromo ug Punta Princesa.

Tungod niini, duna nay 23 nga nangamatay sa Siyudad sa Sugbo tungod sa Covid-19.

Ang Siyudad sa Sugbo duna nay 1,872 ka kaso sa Covid-19, ug 116 ka laboratory negative kun recoveries.

Lalawigan

Dunay 20 ka bag-o nga mga kaso sa Covid-19 ang natala sa Lalawigan sa Sugbo gikan sa Mayo 22 ngadto sa Mayo 23.

Mao kini ang gipahibaw ni Gobernador Gwendolyn Garcia atol sa press conference sa Kapitolyo, Mayo 23.

Ang 20 ka mga kaso nagagikan sa: Talisay (12, usa ang repeat test; Minglanilla (3) nga nagagikan sa usa ka compound; Consolacion (1); Pinamungajan (1); Carmen (1); Tabuelan (1); ug Samboan (1) nga bag-o lang natawo nga bata.

Sa kinatibuk-an moabot na sa 105 ka mga kaso ang natala sa lalawigan sa Sugbo. (JJL, ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph