SUPERBALITA CEBU

Ex-con gipusil, patay

NAMATAY diha-diha ang usa ka kanhi piniriso human pusila sa nagbinugtong nga gunman sa sudlonon nga bahin sa gi-lockdown nga Sityo Macarosa, Barangay Tejero, Siyudad sa Sugbo sa Biyernes, Mayo 22, 2020.

Si Police Staff Master Sergeant Erasmo Rosel sa Waterfront Police Station, niila sa buiktima si Reymond Regis, 43, lumolupyo sa Sityo Macarosa.

Matod ni Rose nga sa ilang pasiunang imbestigasyon, si Regis nagtindog sa gawas sa balay sa iyang inahan.

Ang wa mailhing nagbinugtong nga gunman naglakaw padulong kang Regis.

Pagduol, kalit kini nga nibunot og armas ug nipusil kang Regis sa pipila ka higayon.

Si Regis nga naigo sa ulo nahagba, namatay diha-diha.

Sa pag-imbestigar sa kapulisan sa dapit, way bisan usa nga nikooperar aron unta ilhon ang gunman.

Kay gi-lockdown, hayan nagpuyo ra sa dapit ang killer, apan way bisan unsa nga nihatag og ngan sa kapulisan.

"Mga paryente sa biktima ang nagpuyo sa dapit apan walay mitug-an bisan usa nga mga silingan sa biktima," matod ni Rosel.

Ilang nahibaw-an nga si Regis bag-o lang nakagawas sa New Bilibid Prisons sa Muntinlupa City sa kaso nga illegal drugs.

"Daghan daw ni kontra ang biktima dinha, ingon sa iyang inahan," dugang ni Rosel. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph