SUPERBALITA CEBU

PRO 7 moabag sa seguridad sa mga mall, establisemento

BAG-ONG NORMAL: Ang physical o social distancing guides nga naa sa gawas sa usa ka shopping mall sa siyudad sa Sugbo maoy usa unya sa mga kausaban sa bag-ong normal human sa kuwarentina sa Covid-19. (Allan Cuizon)

ILIBKAS na ang giluwayang enhanced community quarantine (ECQ) sa dakbayan sa Sugbo ug Mandaue karong Mayo 31, Dominggo.

Sa samang higayon, ang general community quarantine (GCQ) ipatuman, sama na sa ubang dapit sa lalawigan

Nagpasabot kini nga 7 ka adlaw gikan kason, Mayo 25, hinayhinay na nga mobalik ang negusyo sama sa malls.

Subay kini sa unang plano sa inter-agency task force (IATF), kon walay mga kausaban.

Nunot niini, ang Police Regional Office (PRO) 7 nangandam sa seguridad lakip sa pagpatawag sa security officers sa malls ug ubang dagkong establisamento sa duha ka mga dakbayan.

Si Police Brigadier General Albert Ignatius Ferro, hepe sa PRO 7, nagkanayon nga dunay kamandoan gikan sa ulohan sa kapulisan sa Camp Crame sa pag-abag sa malls sa pagpatuman sa protocol sa new normal.

Ubos sa GCQ, magpadayon ang protocol aron paglikay sa pagkaylap sa Covid-19. Ang mga estibilisemento nga dili mopatuman sa protocol mahimong pasirad-an og balik.

“The one that will enforce the mandatory wearing of face mask, social distancing of two meters should be maintained and the minimum health standard should be followed by the malls,” matod ni Ferro.

Gitahasan usab ni Ferro ang iyang ground commander nga makigtagbo sa mall owners bahin sa pagbalik sa negusyo.

Gikinahanglan nila ang kooperasyon sa mga mall security labot sa pagtuman sa protocol nunot sa mga kabalaka nga mosaka na usab ang gidaghanon sa mga mataptan sa Covid-19.

“Again, we would like to request the cooperation of our mall owners specially the security guards and the managers of the different restaurants that will soon be open to really follow (the protocol),” dugang ni Ferro. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph