SUPERBALITA CEBU

Dancesports Cebu City team midaog sa Italy online event

NAKAHAKOT og mga medalya ang in ilang Cebu City Dancesports Team sa 1st World Dance Online Competition nga gipasiugdahan sa Italy.

Ang mga manayaway sa Queen City of the South nakigparang sa 550 ka mga atleta gikan sa nagkalainlaing suok sa kalibutan.

Ang mga partisipante sa labing unang dancespors live online competition nanayaw sulod sa ilang tagsatagsa ka panimalay.

Naay live-streaming sa social media ang ilang performances lakip na ang scoring sa judges ug ang resulta.

Ang panagpares nila ni Shardie Abellana ug Marjorie Pasaje nakabaton og silver medal sa Under-35 Latin Couple Dance-Rumba category.

Nabuhat kini nila ni Abellana ug Pasaje taliwala sa grabeng kahasol nga ilang gisagubang gumikan kay pareho silang nagpuyo sa Alaska, Brgy. Mambaling, Cebu City nga naka-lockdown tungod sa 500 ka mga kaso nga positibo sa coronavirus disease 2019 (Covid-19) sa maong dapit.

Si Trixie Dicdican sa Brgy. Ermita midaog og bronze medal sa Under-16 Lady Solo Dance Jive.

Ang ubang mga manayaway sa Team Cebu City nga nakasulod sa finals apan wala lang nakakuha og medalya mao sila si Ouie Selene Rendon ug Sofia Isabella Maree Quilaton, kinsa parehong nahiluna sa ikalima sa ilang tagsatagsa ka kategoriya.

Gumikan sa pagkuyanap sa Covid-19, nauso na ang pagpahigayon og online competitions sa nagkadaiyang natad sa paugnat sa kusog. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph