SUPERBALITA CEBU

Manny Pacquiao gihulagway nga 'devil' sud sa ring

GIDEPENSAAN ni legendary Mexican boxing trainer Nacho Beristain ang iyang kanhi paboritong estudyante nga si Juan Manuel Marquez sa mga komentaryo ni Erik Morales sa milabay nga pipila ka mga adlaw.

Si Morales, kinsa usa sa labing maayong boksidor sa kasaysayan sa boksing sa Mexico, wala mohatag og gibug-aton sa brutal nga knockout nga kadaugan ni Marquez sa ikaupat niining away batok kang Filipino boxing icon Manny Pacquiao.

Matod ni Morales nga bisan naa siya sa pakyas nga habig sa ilang trilogy ni Pacquiao, naugbok na niyang daan ang iyang legasiya sa wala pa siya nakig-away sa Pambansang Kamao ng Pilipinas.

Giklaro ni Morales nga dili siya sama ni Marquez nga nagkinahanglan pa og upat ka mga away batok kang Pacquiao aron makakulit og dakong pangalan.

"My career was not defined by Pacquiao. I didn't need to beat him. I don't want to be too arrogant but nobody gave me a boxing lesson," matod pa ni Morales nga napatik sa www.boxingscene.com.

"Winning by knockout is important, but for me it was better to dominate them, make them suffer inside the ring."

Apan alang kang Beristain, angayang daygon si Marquez gumikan kay nakalahutay kini og upat ka mga away ug nakarehistro pa'g brutal nga knockout nga kadaugan batok kang Pacquiao, kinsa iyang gihulagway nga "devil inside the ring."

"What the guy (Morales) left out is that (Pacquiao) fought with Juan Manuel forty-something rounds and to be locked in a ring with the devil for that long is impressive) . . . Because (Pacquiao) is practically the devil inside the ring," matod ni Beristain.

"The perfect example of that is the beating he gave Erik Morales in the second fight."

Matod ni Beristain nga kon nahatagan pa lang og oportunidad si Marquez nga makig-away kang Morales o kaha ni Marco Antonio Barrera kaniadto, hayan posibleng mas sayo nga naabot ni Marquez ang tumoy sa kalampusan. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph