SUPERBALITA DAVAO

Genoguin: Walay usa nga labaw sa balaud

KONTRA BALANSE

ANG tumong niining maong isyu dili pagdaut sa moralidad sa atong mga kapolisan, kon dili pagpahinumdom nga kamo gitawag nga ”law enforcer” tigpatuman sa mga balaod.

Ang nahitabo kang National Capital Region Police Office (NCRPO) Chief, Major General Debold Sinas, nga nagsaulog sa iyang birthday niadtong ikaduhang semana ning bulan sa Marso nahitabong dunay panagtapok sa iyang panimalay.

Ang maong okasyon normal nato nang ginabuhat agi'g pasalamat sa atong labaw’ng magbubuhat nga nakaabot kita sa lain pang katuigan sa atong kinabuhi niining kalibutana, pero, aduna kita’y bag-ong balaod nga emerhensya atol niining panahon sa coronavirus disease (Covid-19).

Ang maong balaod, na-aprobahan ug orihinal nga gipublikar niadtong Marso 23, 2020, gipermahan sa atong Presidente Rodrigo Duterte niadtong Marso 24, 2020 ug gi-implimentar niadtong Marso 25, 2020. Unsa kining balaura mga dunay titulong 'Bayanihan Act of 2020 kun Republic Act (R.A.) 11469.

Usa sa unod niining maong balaud, anaa ang self quarantine, social distancing, ug gidili ang social gatherings, sama birthday party, wedding anniversary, worship sa bisan unsa nga mga relehiyusong pundok ug dominikasyon sa pagtuo, kining tanan anaa sulod sa probisyon sa RA 11469.

Apan ang dili maayong paminawon usa ka dako og ranggo sa Philippine National Police (PNP) Major General Sinas mao ang unang misupak sa maong balaod, usa ka dakong tamparos sa iyang kaugalingon kay siya ang gitawag nga “law enforcer” sa dali nga pagkasulti tigpatuman sa balaod, apan siya pa ang unang misupak.

Adunay panultihon nga sagad natong mabati “Ignorance of the Law Excuses No One”, buot-ipasabot nga bisan kadtong mga inosente nga wala masayod nga adunay balaod nga nagdili sa iyang gibuhat, pahamtangan gayod siya sa silot nga iyang nabuhat.

Pangutana, ignorante ba si Sinas sa iyang gibuhat ubos sa RA 11469? Walay problema sa atong Presidente Rodrigo Duterte kung mibungat man siya og pulong nga magpabilin siya sa iyang posisyon isip NCRPO Chief, pero, aduna na siya'y kaso nga kriminal ug administratibo nga iyang atubangon, ug atong hinumdoman nga wala moingon ang atong Presidente nga pasayluon siya sa iyang sala, kung dili matud pa’s Presidente magpabilin siya sa iyang pwesto, apan wa mag ingon ang Presidente nga abswelto siya sa iyang kaso, tungod kay abogado ang atong Presidente ug dili siya labaw sa balaod.

Husto si kanhi Police General nga karon atong Senador Panfilo Lacson nga kinahanglan silotan gyud si Police Major General Sinas sa iyang gibuhat, tungod kay dili kini maayong sumbanan sa ubang han-ay sa atong kapolisan labi na og ubos sa ranggo.

“The law is harsh but it is the law” mabangis man ang balaud, apan kini gayod ang balaud. Wala usa kanato nga molabaw sa balaud, kini imong maayong hinumdoman Police Major General Sinas!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph