SUPERBALITA CAGAYAN DE ORO

34 barangay nakadawat sa 2nd wave sa hinabang

ANAA na sa 34 ka mga barangay ang natunolan na sa ikaduhang hugna sa food relief assistance sa lokal nga kagamhanan sa siyudad sa Cagayan de Oro.

Ang sulod sa maong relief pack mao ang pulo ka kilo nga bugas, lima ka canned goods, ug usa ka dressed chicken.

Gidugangan usab ang gidaghanon sa relief goods gikan 150,000 sa unang hugna ngadto na sa 162,142 households sa ikaduhang hugna.

Kini ang 34 ka mga barangay nga nakumpleto na ning adlawa, Mayo 23,2020 sa pagtunol sa relief assistance sa Baikingon, Balubal, Bayanga, Besigan, Barangay 4, Barangay 7, Barangay 9, Barangay 11, Barangay 13, Barangay 14, Barangay 17, Barangay 18, Barangay 19, Barangay 20, Barangay 21, Barangay 24, Barangay 26, Barangay 29, Barangay 35, Barangay 39, Barangay 40, Dansolihon, FS Catanico, Gusa, Lumbia, Iponan, Mambuaya, Patag, Pigsag-an, Tablon, Tagpangi, Tignapoloan, Tuburan, ug Tumpagon.

Samtang ang kasamtangang nagtunol pa mao ang Canitoan (1 of 6 deliveries) Indahag (3 of 6 deliveries) Puntod (3 of 6 deliveries).

Gikabutyag ni City Social Welfare and Development Executive Overseer Michael Christopher Fabello nga prayoridad sa ikaduhang hugna ang wala makadawat sa Social Amelioration Program (SAP).

"For the second wave, we asked the barangay captains for their distribution plan, including what sitios (zones) they will visit and the number of beneficiaries in their area," matud ni Fabello.

Gidugang pa nga wala pay labot niini ang special food relief operation alang sa mga residente sa Pinikitan, Camaman-an; Zayas ug Macanhan, Carmen kinsa naapektohan sa lockdown tungod kay adunay nag-positibo sa ilang dapit.

Sa pagsulat niini nga balita, anaa na sa 34 sa 80 ka mga barangay sa siyudad ang natunolan sa ikaduhang hugna sa pagtunol sa assistance o anaa sa 42.50 porsyento.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph