SUPERBALITA CAGAYAN DE ORO

Covid-19 patient milinya pa sa SAP

PADAYON karon ang contact tracing sa City Health Office (CHO), labi na sa Retuya's army, human nga base sa nakuhang impormasiyon nga naglinya pa ang maong namatay nga confirmed covid-19 patient sa pagkuha sa Social Amelioration Program (SAP) sa Barangay Carmen ning siyudad sa Cagayan de Oro.

Nasayran nga namatay ang maong pasyente niadtong Mayo 15 mga alas 10:30 sa gabii ug nigawas ang resulta sa swab test niadtong Mayo 20,2020 nga positibo kini sa covid-19.

Gibutyag ni Dr. joselito Retuya nga gipalapdan pa karon ang contact tracing ug ang duha ka miyembro sa pamilya ang nabalhin na sa City Isolation Unit niadtong Mayo 20 sa gabii ug gitakda na kini silang kuhaan og swab.

Gidugang pa nga base sa impormasiyon sa mga higala ug sa bana niini gikabutyag nga nakalinya pa kini sa SAP distribution niadtong Mayo 4 kauban ang bana niini.

"We are still ongoing investigation with regards, especially that the client or that deceased had an, nag-apil siya sa linya didto sa SAP during May 4. In fact we already asked CSWD to give us the personnel assigned during that," matud ni Retuya.

Samtang naghangyo si Mayor Oscar Moreno nga ang mga silingan, higala ug kinsa man ang naka-istorya niini nga maong positibo nga namatay nga mo-kontak na mismo sa CHO Covid contact tracing number 09758413299.

"Mga silingan, mga paryente ,mga higala nga nahalubilo sa hingtungdan nga please tawagi diretso kanang contact tracing team," hangyo ni Moreno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph