GIBUTYAG ni Dr. Jerie Calingasan, kinsa chairman sa Misamis Oriental Provincial Task Force for Covid-19, nga 250 lamang ka travel pass ang ilang ihatag matag adlaw diha sa buhatan sa Provincial Health Office.
Mamatikdan sayo sa buntag sa adlaw sa tingtrabaho nga taas ang linya sa mokuha niini.
Gipaabot ni Calingasan nga 250 lamang ilang i akomodar matag adlaw kini hangyo sab sa mga lideres apil mga mayores sa nagkadaiyang lungsod.
"We gone up 250 travel pass everyday kay gahangyo pod atong mga mayor nga ayaw mi og bombard nga daghan kaayo sa ngatanan aron amo gyud silang ma check kung asa sila gikan ug asa gyod sila gapamaingon," matud ni Calingasan.
Sagad sa gapanguli ug gakuha sa travel pass ang mopaingon sa probinsya sa Camiguin ug bout nilang si mapaspasan kung asa mamaingon.
Dugang niini nga karon adlawng Lunes, ang mga locally stranded dili na magkuha og travel pass sa PHO kay didto na kini sila mokuha og travel pass sa police station.
"Ang mahitabo among pangtagaan nalang kadtong walay mga identification card nga mga essential nga mga person nga kadtong gapamaligya sama adtong gapamaligya nga personal nga businesses mao nalang to sila ang tagaan sugod sa Lunes," matud ni Calingasan.
Una na gipasabot nga dili na kinahanglan og travel pass ang sakop sa APOR o authorized person outside residence nga gilangkoban sa mga trabahante sa gobyerno o kompanya nga gitugtan mag operate ubos sa general community quarantine.