SUPERBALITA CEBU

Tambagi ko Noy Kulas: Tupad pirme

Dear Noy Kulas,

Tawga lang ko og Lotlot. Naa ra ko sa Cebu nagpuyo ug napriso aning ECQ. Kining laagan kaayo unta ta, maburyong ang atong utok kay di na man maoy akong naandan nga kinabuhi human sa work. Kami sa akong bana maanad na nga magsige og laag kay wa man mi anak until now bisan 10 years na ming gapuyo together.

Karon kay frontliner man siya, sige siya og trabaho while ako naa ra sa balay. Sagad ako rang usa kay wa ni anak. Maayo lang og mosuroy iyang mga igsuon ug cousins kay naa koy kauban.

Karon pud nga panahuna, pirme koi nit og ulo. Ambot naselosa na ko og sugod ug madudahon na ko sa mga post sa akong bana, kanang makabantay ka nga naay usa ka babaye nga magsige og tupad niya sa iyang mga post. Taudtaud na diay ni, pero karon ra ko nakabantay kay wa na koy lingaw.

Gi-confront nako akong husband parte aning bayhana pero deny man kaayo siya nga duna silay relationship kay friends ra kuno sila. Pero kada pic tupad gyud? Ambot lang kaha, Noy Kulas. Ikaw unsa may imong tan-aw? Lalake man gyud ka unya naay taas na nga experience?

LOTLOT

Lot,

Lisod kaayo nang magtagna-tagna ta nga base lang sa pictures. Basin tuod nga ganahan lang ning bayhana motupad sa imong bana nga way paghuna-huna nga minyo na siya. Or basin pareho sa us aka amahan nga natinuod ang pagduda sa mga anak nga ang ilang amahan dunay relasyon sa babaye kay kada picture, bisan naa ang asawa, motupad gyud sa ilang papa. Too late na nituo ang asawa.

But mao lagi, lisod ang espekulasyon lang. Mas maayong duna kay basehanan sa imong pagduda parte sa imong bana. You better assert sa imo sab nga pagka asawa pinaagi sa pag request nga di na sila magtupad or kon malikayan, wan a silay picture nga naa ang babaye. Kon mabalik na gani sa normal, panid-i. Basin tinuod ang imong pagduda. Naa bayay gitawag nga wife’s instinct. Ayaw lang paklaro kaayo sa imong selos aron di makabantay imong bana.

Lain sab, you pray nga di tinuod ang imong pagduda.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph