Migallen: Team-owner miangal sab ni Jordan

ATONG hisgutan ning atong lindog, ang kalabot sa bag-o lang natapos nga dukomentaryo sa dinastiya sa Chicago Bulls niadtong 1990 nga giulohan og "The Last Dance" nga gipasalida sa Netflix ug natapos niadtong Dominggo.

Kini aron atong mapasawo niadtong mga wawla makasubay sa maong salida, bisan og sa pipila lang ka tipik sa maong dukomentaryo.

So, gawas ni Horace Grant, mireklamo sab ang tag-iya sa Chicago Bulls nga si Jerry Reinsdorf tungod sa dili mao nga gipanulti ni Michael Jordan sa dukomentaryo. Sa interview, giingon ni Jordan nga usa ka binuang ang gihimo sa team tungod kay human sa ikaunom nilang kampiyonato sulod sa walo ka tuig, gipangbuhian hinuon ang mga players.

Matod ni Jordan nga mosugot ra gyud unta nga moduwa gihapon ang mga key players niadtong higayona, bisan og hatagan lang og tagsa ka tuig nga kontrata. Apan wa gyud makahisgut kaniya si Reinsdorf kon nganong nabungkag ang team.

Pero alang ni Reinsdorf, basin tungod kay duha na ka dekada ang nakalabay, nakalimot na siguro si Jordan sa tinud-anay nga nahitabo.

“I was not pleased. How’s that?” matod ni Reinsdorf sa interview sa NBC Sports Chicago. “He knew better. Michael and I had some private conversations at that time that I won’t go into detail on ever. But there’s no question in my mind that Michael’s feeling at the time was we could not put together a championship team the next year.”

Matod ni Reinsdorf nga ang dakong rason mao nga si Jordan dili makaduwa sa sunod season tungod sa injury o pagkaputol sa tudlo niini nga nahitabo atol sa lockout sa NBA.

“The thing nobody wants to remember, during [the] lockout, Michael was screwing around with a cigar cutter, and he cut his finger,” tug-an ni Reinsdorf sa ESPN. “He couldn’t have played that year. He had to have surgery on the finger, so even if we could’ve brought everybody back, it wouldn’t have made any sense.”

Apan matod ni Jordan nga sa panagbikil tali sa general manager sa team nga si Jerry Krause mas maayo pa nga dili na lang mobiya na lang siya.

Pero giyagyag ni Reinsdorf nga iyang giagni si Jackson nga mobalik sa team, apan nibalibad kini. Unya nipadayag sab si Jordan nga dili gyud moduwa og laing coach.

“I asked (coach) Phil to come back. Phil said no. Michael said I won’t play for anybody other than Phil,” dugang Reinsdorf. “I met with Michael on the 3rd of July of that year and I said to him, ‘We’re in a lockout. Who knows when we’re going to play? Why don’t you wait until the lockout is over and maybe I can talk Phil into coming back?’ And he agreed. (sumpayan ugma)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph