GIBUTYAG ni Top Rank boss Bob Arum nga andam na nga makigharong si Filipino boxing icon Manny Pacquiao batok kang American Terrence Crawford alang sa usa ka unification bout.
Matod ni Arum nga nagkasulti na sila ni Pacquiao pinaagi sa Zoom app kabahin niini ug miuyon ang Pambansang Kamao ng Pilipinas.
“I've talked to Manny via Zoom, first time I talked to him face to face in a while, Manny was getting ready to go bed, it was morning in California, and he is ready to go [against Crawford],” batbat ni Arum sa interbyu sa www.philboxing.com.
“Manny is ready to do that fight and we'll try to do that out of the [United States],” Arum added. “Manny is ready to do that fight and we'll try to do that out of the United States.” Arum added.
Si Pacquiao, 41, kinsa adunay 62-7-2, 39KOs nga rekord, maoy naggunit sa World Boxing Association (WBA) welterweight title.
Samtang si Crawford, 32, kinsa adunay 36-0, 27KOs nga rekord, maoy tag-iya sa World Boxing Organization (WBO) welterweight belt.
Batbat ni Arum nga gusto ni Pacquiao nga kon mahimo, mapahigayon ang away karong tuiga.
Apan gumikan sa padayong hulga sa coronavirus disease 2019 (Covid-19), naglisod pa si Arum pagpangita og venue alang ning maong dakong away.
“Manny wants the fight to happen this year because he's running for political office next year, for the presidency,” dugang ni Arum.
Ang Philippine presidential election ipahigayon karong Mayo, 2022.
Kon madayon ang pagdagan ni Pacquiao sa presidential election, kinahanglan nga sugdan niya ang preparasyon niini sa sunod tuig.
Nagpasabot lang nga kinahanglan nang makaaway si Pacquiao ning tuiga.
Gawas kang Crawford, posible sab nga ikaharong ni Pacquiao sila si Conor McGregor, Mikey Garcia, Danny Garcia ug Errol Spence Jr.
Ning puntoha, anga Pacquiao-Crawford maoy nag-una sa linya.
Dugay sab nga nag-uban sila si Pacquiao ug Crawford ubos sa pagdumala ni Arum una mibalhin si Pacquiao sa karibal nga promoter ni Arum nga si Al Haymon sa Premier Boxing Champions.
Gumikan kay pareho sila ni Pacquiao ug Crawford nga adunay kalambigitan kang Arum, gilauman nga mas daling ihan-ay ang ilang panagharong. (ESL)