PASTILAN sa uban natong kaigsuonang Sugbuanon nga gusto lang jud manaway sa gibuhat sa atong mga leaders, doctors, health workers ug frontliners batok Covid-19.
Kay wa kuno magamit ang NRA quarantine facility, gausik-usik lang kuno og kwarta.
Swerte gani ta ron kay 80 percent sa atong positive asymptomatic.
Ang Bayanihan Center gani sa old SHS Gym nga infirmary level quarantine facility sad sama sa NRA naa ra sa 28 beds ang nagamit sa pagkakaron.
Unsa diay inyong gusto mahitabo?
Nga mokaylap og maayo ang Covid-19 aron magamit ning mga quarantine facilities?
Ga-construct pa man gani ta og additional quarantine facility complete with negative pressure sama sa duha nga ako ng gihisgotan, ang SHS ug NRA.
Why build?
Dili nato gusto mahitabo ang nahitabo sa kaulohan.
Didto ang mga ospital nilapas na sa threshold nga 70 percent, mao nga di na ma1admit ang severe patients sa Covid-19.
Dinhi sa atoa nag-fluctuate ra sa 40 to 60 percent ang occupancy sa hospital. It can still accommodate severe Covid cases.
Atong tri-city (Cebu City, Mandaue City ug Lapu-Lapu City) nagtukod og mga barangay isolation centers (BIC) para sa asymptomatic.
Sa maong BIC facilities gipaningkamotan nga ang asymptomatic di mo-develop og mild symptoms mao nga gihatagan sila og vitamins ug pagkaon nga healthy. Gi-monitor og maayo.
Kanang mga quarantine facilities para na sa mga mild to moderate.
Kay naatiman naman nato sa BIC ang asymptomatic kadaghanan nila di na mo-develop og mild to moderate symptoms.
Atong case fatality rate bisan daghan pa ta og kaso mokabat na gani sa 2,000 tibuok CV, ubos kaayo.
Sa Cebu City pananglitan wa kaabot one percent ang CFR.
Ingon ana ang pagbatok sa Covid. Dapat naa kay logistic sama sa BICs, quarantine facilities ug mga RT-PCR and rapid antibody testing kits.
Dapat manobra ang pagpangandam kay sa magkuwang.
"Timely man na, Asec (Gonzales), because the ECQs were meant to give time for the health system to respond," Dr. Jaime Bernadas, regional director sa Department of Health 7.
Ikaguol kaayo nato, sama sa nakita nato sa laing nasod nga naglingkod nalang ug naa na sa gawas ang mga Covid patients sa make shift tents.
Akong hangyo sa mga walay lingaw rong panahona, katong naa ra sa panimalay ug gasige lang og socmed, imbes manaway mo, tabang nalang mo.
Kung naa mo sa inyong balay kay hadlok mo mogawas kay hadlok matakdan, nindot kana.
Pero hangyo lang ko, tak-uma nalang sad inyong baba ug ayaw na pataka og type diha aron lang naay masulti nga di pa jud makatabang ug mogawas na hinuon nga gapamaymay lang mo. Murag woke.
Nabalaka gani si Dr. Bernadas, DOH-7 RD. Ingon siya inig GCQ sa tibuok Cebu basi mapuno atong quarantine facilities.
Hinaot unta dili la ang dila ni Doc.
Kinsa man gusto nga modaghan atong mild to moderate cases inig ma GCQ na ta aron lang magamit ang mga QF atong gipangandam.
It's better to be over prepared than do very little and risk people dying of Covid. Let's thank our leaders health workers, frontliners for their gallant work. They deserve our full support.