SUPERBALITA CAGAYAN DE ORO

Drug suspek misukol patay, pulis samdan

PATAY ang usa ka drug suspek human giingong misukol sa kapulisan mga alas 9:30 sa gabii, Mayo 24, 2020 sa Kalantas St., PN Roa, Barangay Canitoan, siyudad sa Cagayan de Oro.

Patay sa operasyon mao si Junryl Cabañez alyas Jojo, 33, igo lang nagrenta sa dapit.

Nagpahigayon og drug bust ang Police Station 3 (PS3) sa Agora sa pagpanguna ni Police Captain Julius Saluta batok niining drug suspek.

Apan atol sa transaction, nakamatikod kining nagpatoung buyer usa ka pulis, hinungdan nga namusil kini, hinungdan sa pagkaigo ni Police Corporal Jaraula, kinsa nakabalos ug maoy hinungdan nabalusan an si Jojo ug pagkaigo niini miresulta sa kamatayon.

Ang kauban niining giilang si Grace E. Laroche, 45, balo, taga Zone 5, Igpit, Opol, Misamis Oriental ang nadakpan sa kapulisan.

Sa pagsusi sa Scene of the Crime Operatives (Soco), nakuha sa crime scene ang gamay ug laing dako nga pakete sa gitouhang shabu diin moyimbang og 5.30 gramos nga mobalor og P36,000 ug uban pa nga mga illegal drug paraphernalia.

Lakip sa nakuha ang colt. 45 pistol nga dunay serial number 195285 nga duna pay upat ka mga buhing bala.

Tanan illegal drug evidence ang gidala na sa Regional Crime Laboratory-Northern Mindanao alang sa masusing eksaminasyon.

Ang pulis nga samdan ang gidala na karon ug hugot nga giatiman sa usa ka pribado nga balay tambalanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph