34 kauban sa nagpositibo sa Covid-19, gi-contact trace

MOABOT 34 ka indibidwal ang gi-contact trace sa City Health Office nga kauban sa 26 anyos nga bag-ong nagpositibo sa coronavirus disease (Covid-19) nga unang gireport nga taga Cagayan de Oro apan sa lawom nga gihimong beripikasyon lumolupyo diay sa Iligan City.

Kini ang gipasabot ni Dr. Joselito Retuya, epidemiologist sa City Health Office, ug miingon nga boarder lamang sa usa ka numbered barangay sa Cagayan de Oro kining nagpositibo.

Apan nagpabilin kini nilang gibutang sa City Isolation Unit aron matapos niini ang iyang 14 ka adlaw nga kwarantinas.

Gi-contact trace nila ang mga kauban sa barko sa sweeper trip niadtong Mayo 19.

"Mokabat kini sila 34 kabouk kay ika 35 mani siya, were in fact most of them were stranded didto sa pier niadtong May 15 pa lang kay na postponed man kini ilang trip so wala nadayon sa May 16 ug nautro didto sa petsa 18 apan kadlawon na petsa 19 nakalarga ang barko," pasabot ni Retuya diin Mayo 19 sa gabii miabot sa Cagayan de Oro.

Ang co-passenger sa 26 anyos ang gi-contact trace na karon panahona ug giinterbyu na pinaagi sa manifesto nga gihatag sa Philippine Coast Guard lakip na niini dili taga CdeO ug mga kasikbit nga dapit.

"Apil ang dili taga CdeO nga iyang nakauban sa trip ato na nga gipahibalo nga naay positibo nga ilang nakuyog," matud ni Retuya.

Lakip sa gi contact trace ang mga personnel sa barko nga nagdala kanila labina gyod ang nag-usher kanila.

Adunay unom ka personnel sa barko ang gi monitor karon panahona.

Lakip sa gikontak ang holding area sa Cebu City kon diin pila ka adlaw naka stay kini sila lakip ang usa ka nagpositibo.

Gipahibalo sab niini nga atimado ang 26-anyos sa city isolation unit ug naa lang kini reklamo nga gamay nga ubo apan recovering kini.

Gipasalig sab ni Retuya nga samtang naa kini sa kostudya dinhi sa siyudad atimanon kini hangtod nga magnegatibo ang sunod nga resulta niini sa Covid-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph