18 establisimento nagbukas, gi-warningan

MOKABAT na sa 18 ka mga establisimento ang gi-warningan ug pipila usab ang gipasirado ug na-isyuhan og notice of violation human nagbukas bisan nga ginadili kini base sa gabayan sa Inter-Agency Task Force (IATF).

Anaa na sa 117 ang total nga nabisita sa Joint Inspection Team ug 18 ang nag-abli gikan Mayo 20 ug hangtod sa pagsulat niini nga balita.

Gibutyag ni Antonio Resma Jr., Inspectorate Team Leader, nga naa'y pipila nga mga nagbukas ang ilang napasira diretso human wala pay kustomer samtang ang uban ang na-isyuhan og notice of violation ug gi-warningan nga kung masapon sa utro isyuhan na kini og ordinance violation receipt (OVR).

"Naa'y isa nga nag tago-tago operate plus actual gyud naay nakita customer, ang uban nag open lang wala pa customer busa gipa close lang namo daritso and issue sa notice of violation with warning nga sunod makita mag open gihapon sila mag issue na sa OVR," matud ni Resma.

Padayong mag-monitor Inspectorate team sa Business Compliance Sub-Cluster ubos sa Law and Order Task Group ang mga establisimento nga gidili pa ubos sa general community quarantine (GCQ).

Kini ang mga establisimento nga gidili pa karong panahona -- gym/fitness studios and sports facilities; entertainment industries (including cinemas, theaters and karaoke bars, & internet / pisonet cafe); Kid amusement industries (including playrooms and rides); Libraries, archives, museums and cultural centers; Tourist destinations (including water parks, beaches and resorts); Travel agencies, tour operators, reservation service and related activities; Personal care services (including massage parlors, sauna, facial care and waxing; Barbershops ug salons diin orihinal nga ubos sa Category III, apan wala pa gitutogotan nga magbukas human sa pag-review sa Department of Trade and Industry.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph