SUPERBALITA DAVAO

Pagwagtang sa liquor ban sa Digos, gitun-an

DIGOS CITY -- Gitun-an karon ni Digos City Mayor Josef Cagas ang pagwagtang sa "liquor ban" atol sa unang semana karong bulan sa Hunyo sukwahi sa mga nagkatag nga "fake news" sa social media nga gitanggal na kini.

Giklaro ni Mayor Cagas nga ugaling wagtangon na kini sa Hunyo 1 o hangtud Hunyo 5, igo lamang makapamaligya ang mga manindahay ug makapalit ang publiko apan dili gihapon mahimong magtagay sa mga pampublikong lugar.

Mahimong dakpon sa mga otoridad ang mga indibidwal nga masakpang magtagay sa ilimnong makahubog diha sa mga tindahan, establisyemento o publikong lugar.

Apan, human sa Mayo 31, gitataw sa mayor nga magpabilin ang implementasyon sa mga polisiya sa general community quarantine (GCQ).

Di pa masulti ni Cagas kung hangtud kanus-a ipatuman ang mga polisiya nga gilatid sa Inter-agency Task Force on coronavirus disease (Covid-19).

"We are waiting for national guidelines and issuances," asoy sa mayor kinsa nag-agad unsa'y hukom sa IATF-Covid-19.

Sa kasamtangan, padayong gihatagan og atensyon sa lokal nga gobyerno ang mga residente sa siyudad nga atoa sa laing mga lugar sama sa Cebu, Manila ug uban pa, nga gusto nang mopauli.

Gikinahanglan lamang nga aduna sila'y health certificate gikan sa barangay hain sila na-stranded ug Certificate of Acceptance ngadto sa barangay nga gusto nilang makauli.

Ang adlaw nga gitakda sa pagdawat sa mga mopauli gikan adlaw'ng Lunes hangtud Sabado gikan alas otso sa buntag hangtud alas kuwatro sa hapon, sanglit wa'y gitugutang sakyanan gikan sa laing lugar nga makasud sa Digos City sa matag adlaw'ng Dominggo.

Ang amahan sa siyudad, nitataw nga ipailawom sa mandatory 14-day quarantine ang mga gikan sa laing lugar nga mouli sa dakbayan.

Apan, ang mga pasahero sa sweeper flights o mercy flights, kinahanglang makakuha og certificate of acceptance gikan sa Task Force Stranded Digosenues.

Padayong gihugtan sa lokal nga gobyerno ang seguridad nga di makasud ang kagaw sa lugar ilabi pa nga wa na'y bag-ong kaso nga natala ang buhatan sa City Health Office (CHO).

Sa kasamtangan, sa mga persons under monitoring, aduna'y duha ka suspek ang na-admit sa tambalanan apan gihuwat ang resulta, 16 ka indibidwal ang anaa sa isolation unit ug 123 ang gipailawom sa strict home quarantine. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph