Gomez nasagmuyo kay pag-uli sa OFWs way koordinasyon

WAY KOORDINASYON: Si Ormoc City Mayor Richard Gomez mipadayag sa iyang kasagmuyo sa mga ahensya sa nasudnong kagamhanan nga way koordinasyon tali sa local government unit (LGU) sa pagpanguli sa overseas Filipino workers (OFW). (John Kevin D. Pilapil)
WAY KOORDINASYON: Si Ormoc City Mayor Richard Gomez mipadayag sa iyang kasagmuyo sa mga ahensya sa nasudnong kagamhanan nga way koordinasyon tali sa local government unit (LGU) sa pagpanguli sa overseas Filipino workers (OFW). (John Kevin D. Pilapil)

ORMOC CITY -- Dismayado si Ormoc City Mayor Richard Gomez sa nadawat nga mensahe gikan sa Department of Interior and Local Government (DILG) bahin sa pagpapauli sa mga taga Ormoc nga stranded sa Metro Manila nga wa mananghid kanila.

Base sa Facebook post ni Gomez, iyang gikwestyon ang DILG, national government agencies ug Overseas Workers Welfare Administration (OWWA) tungod sa wa pagsubay sa Covid-19 protocol para sa mga nakaapil sa Balik Probinsya Program.

Matod sa post ni Gomez, gipahibawo sila nga naay tulo ka mga eroplano nga moabot sa Tacloban.

Dugang sa post sa Mayor, giabisohan sila nga dawaton ang mga pasahero nga taga Ormoc bisan wa na mosubay sa protocol.

"This morning (Lunes, Mayo 25), the DILG regional office and OWWA texted us informing us that there are 3 planes arriving in Tacloban and telling us to receive them without following Covid protocols, undocumented and untested," matod sa mayor.

Pasabot sa mayor nga walay dokumento nga nadawat ang LGU Ormoc sama sa gidaghanon, ngan ug address.

Tungod kay way dokumento nga nadawat ang LGU Ormoc, di usab sigurado kon niagi ba kini sila og real-time reverse transcription polymerase chain Reaction (RT-PCR) kun swabbing.

"We have kept our city Covid free for more than 70 days because of strict border controls and implementation of health protocols," dugang sa Mayor.

Gikwestyon sa mayor ang nahisgutang mga ahensiya kon asa na ang ilang protocol nga gusto nilang buhaton sa repatriates.

Niadtong Lunes, duh aka mga abyon ang nanugpa sa Dakbayan sa Tacloban, pito sa mga sakay taga Ormoc City.

Gipaabot usab ang laing 15 ka mga OFW sa Martes sa hapon luwan sa laing abyon.

"What happened to their protocol that they have been telling us to do if they themselves are not doing the right thing?," pangutana sa mayor.

Matod sa mayor nga dako ang peligro sa mga tawo sa Ormoc kon naay usa lang ang mag positibo sa Covid-19 tungod sa pagpabaya sa ubang national Government Agencies.

Sa miaging semana, upat ka taga Ormoc nga sakay sa bus gikan Manila ug niabot sa Palo, Leyte wa dayon dawata sa Ormoc City.

Tungod kini sa way sakto nga koordinasyon sa mga national agency ngadto sa LGU Ormoc.

Base sa National Task Force Order No. 2020-02, dapat pahibaw-on ang LGU tulo ka adlaw sa una pa ang paglarga sa repatriates ug susama usab ang mando sa DILG nga dapat dunay saktong koordinasyon. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph