ADAPTAHON sa lalawigan sa Misamis Oriental ang panglihok lihok nga new normal.
Kini ang gibutyag ni Misamis Oriental Governor Bambi Emano atol sa ikawalo nga semana sa pagpahigayon sa virtual o online flag raising ceremony, adlaw’ng Lunes, Mayo 26.
Matud ni Emano nga 129 na ka adlaw sukad nga nagpagawas siya og memorandum aron pakigbatokan ang coronavirus disease (Covid-19) ug anaa na sa 78 ka adlaw sukad sab iyang gideklarar ang lalawigan nga state of calamity.
Gipaabot niini nga tungod sa sayo nga pagpangandam nagpabilin nga zero sa Covid-19 ang lalawigan hangtod karon panahona.
Lakip karon sa gipangandaman ang pagsagop sa new normal nga panglihok lihok ug ang pagrekober sa hinay sa mga naapektuhan nga ekonomiya.
“What is new normal again I told you to prepare a new normal and this will be the challenges that we will be facing. This will be the challenges that we are facing, I am hoping to have prepared your normal stretegies,” mando ni Emano sa trabahante sa kapitolyo.
Lakip sa bout niining mapatuman sa mga departmento ang makabaton og tagsa tagsa ka mga video conference room alang sa mga online o virtual nga kalihokan aron daw mahimong presentable sa mga katransaksyon nga mga kliyente.
Gihangyo sab niini ang mga empleyado nga karon panahona gikinahanglan sa katawhan ang ilang serbisyo hinungdan nga kinahanglan nga motrabaho basta nahisubay sa insakto ug pagsunod sa mga health guidelines.
Sa iyang bahin, gipaabot niini nga ang iyang hagit sa new normal mao ang oras sa pagpahulay.
“Ako nagtoo nga matag usa kaninyo naa pod hagit sa new normal ako dili dako kaayo sa akong personal apan dako akong hagit as your public servant, as your governor and to be honest it has been challenging on how to find time to rest grabe gyud ka hagit nga makapangita og panahon nga makapahulay,” matud niini.