SUPERBALITA CAGAYAN DE ORO

Health worker bag-ong positibo sa virus sa NorthMin

NISAKA ngadto sa 24 ang ihap sa kumpirmadong nataptan sa coronavirus disease (Covid-19) dinhi sa Northern Mindanao.

Sa maong gidaghanon, 14 niini ang nakarekober na, duha ang outpatient ug adunay walo nga nakabsan sa kinabuhi diin lima gikan sa siyudad sa Cagayan de Oro, duha sa Iligan City, ug usa sa Misamis Occidental.

Sa bag-ong bulletin nga gipagawas sa Department of Health (DOH)-Northern Mindanao, adunay bag-ong nagpositibo nga nga taga probinsya sa Bukidnon.

Kini na ang ikaduhang natala nga nagpositibo sa coronavirus sa maong probinsya kon diin ang labing una mao ang usa ka brgy kapitan nga nakarekober na karon panahona.

Si Dr. Adrinao Subaan ang Regional Director sa DOH-Northern Mindanao niingon kining bag-ong nagpositibo usa ka 44 anyos nga lalaki nga usa ka health worker ug residente sa Manolo Fortich, Bukidnon.

Ang maong nagpositibo asympthomatic ug atimado nga anaa karon sa usa ka isolation facility sa probinsya sa Bukidnon samtang gilusad na usab ang contact tracing sa mga nakahalubilo niini.

Sa bag-ong kalamboan karong adlawa atol sa Regional Task Force for Covid-19 virtual press briefing gipahibalo nga adunay 30 ka mga nag negatibo ang resulta sa swab test.

Ang 19 ka mga individwal didto gi test sa Southern Philippines Medical Center (SPMC) ug niabot na ang resulta.

Gipahibalo ni Subaan nga didto gidala ang swab sample kay wala pa nag operate niadtong tungora ang Northern Mindanao Medical Center (NMMC).

Samtang ang laing 12 ang gi-test sa NMMC genexpert machine kon diin pulos negatibo ang resulta.

Sukad sab nga gisugdan ang testing sa NMMC aduna nay duha ang natala nga nagpositibo kon diin una kadtong 26 anyos nga taga Iligan City ug ikaduha kining 44 anyos nga health worker sa Bukidnon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph