NIHATAG reaksyon si Cagayan de Oro Mayor Oscar Moreno kalabot sa pronouncement ni Presidente Rodrigo Duterte nga “no vaccine, no class”.
Matud ni Moreno nga nasabtan niya ang pamahayag ug kabalaka sa presidente.
“I can understand the president’s apprehension and anxiety nga magklase nga ma-expose ang mga bata that’s perfectly understandable pero mao lagi na ang question karon is can we adjust to the new normal or our new normal include nga wala nay klase ang mga bata?” matud ni Moreno.
Nakapangutana sab kini nga kanus-a pa mahimong available ang vaccine.
“Kanus-a pa kaha ang bakuna no? it (would) take years although sa Amerika naa nay mga trials that already reach advance point pero until that vaccine will found wala pa gyod tambal,” matud in Moreno.
Dugang niini nga alang kaniya adunay mga paagi nga mabuntog ang corona virus disease nga susama sa mga nahisgotan sa mga health authority didto sa laing nasud.
“Ato maning mabuntog ang virus sa pagpuyo sa balay, hand washing, facemask ug social distancing. Kung mao kining vaccine theres nothing you can do still do by defeating the virus in traditional ways, pagpuyo sa balay ug paglimit sa exposure,” pahayag niini ug mipasabot nga daghan pa nga okasyon nga pwede kini nga hisgotan apan sa pangutana kung uyon ba kini sa pronouncement ni Presidente Duterte iyang gipaabot nga lisod kini nga pangutana.
Una na nga namahayag si Presidente Duterte nga bakuna una usa buksan ang klase tungod kay dili niya malantaw magsikitsikit ang mga bata diha sa klase.
“I will not allow the opening of classes na magdikit-dikit iyang mga bata. Bahala na hindi na makatapos, Unless I am sure that they are really safe, it’s useless to be talking about opening of classes...Para sa akin, bakuna muna,” matud ni Duterte.
Una na nga gipahibalo sa Department of Education nga gitakdang magbukas ang klase sa Agusto 24, 2020 ning tuig.