POSIBLE nga ipaubos sa general community quarantine (GCQ) ang Dakbayan sa Sugbo inig sugod sa Hunyo 1, 2020
Kini ang gipadayag ni Mayor Edgardo Labella sa higayon nga mahukman sa mga opisyal sa Department of Health, City Hall officials ug department heads alang sa hinahinay nga pagbalik ngadto sa new normal.
"Yes I have a plan. I have been meeting with our colleagues in the City Government. We really have to consult our health officials. But rest assured, our decision will be on data based, scientific and strategic collaboration with health officials," padayag ni Labella.
Lakip sa kuhaan og input ni Labella mao ang Cebu Chamber of Commerce and Industry (CCCI) kinsa maoy nagbuhi sa ekonomiya sa dakbayan.
Gawas sa Cebu City, ang Mandaue City ubos usab sa enhanced community quarantine (ECQ) samtang modified ECQ ang dakbayan sa Talisay.
Gawas ning mao nga mga dapit, ang ubang lugar sa Sugbo ubos na sa GCQ.
Ang Cebu City adunay 1,992 ka mga kaso sa Covid-19.
Niabot na og 230 ka recoveries kun laboratory negative.
Sa 1,992 ka mga kaso, 23 ang nangamatay.
Nakagawas na
Ang Cebu City Government nipagawas sa 63 ka mga asymptomatic Covid positive gikan sa arangay isolation center (BIC) sa Barangay Labangon kinsa nag-negatibo na sa ilang swab tests.
Si Labella nimando sa paghatag kanila og tag 25 kilos nga bugas samtang si Kapitan Vic Vuendia maoy nigiya sa pagpauli kanila sa sityo Callejon.
Sila si Konsehal Dave Tumulak, Assistant City Administrator Junine Aragones, Engr. Epay Peros , Kimhe Chan ug public information chief Razel Cuizon maoy ni-facilitate sa pag-release ug pagpanghatag sa mga ayuda.
Si Buendia nagkanayon nga 39 na lang ka asymptomatic Covid positive ang anaa sa ilang BIC.
Iyang napanglantawan nga makagawas ra kini sa mosunod nga mga adlaw. (PAC)