NAGLARAW si Bare Knuckle Fighting Championship (Bkfc) president David Feldman nga isaka ang iyang tanyag ngadto kang Mike Tyson aron iparang ang kanhi heavyweight champion kang mixed martial arts (Mma) legend Wanderlei Silva.
Sa sayo pa, si Feldman mitanyag kang Tyson og $20 million apan gibalibaran kini sa gitawag og Iron Mike.
Andam si Feldman nga isaka ang iyang tanyag aron matuman lang ang iyang tinguha.
Si Tyson, kinsa miretiro niadtong 2005, nagtinguha nga mobalik og away sa usa ka exhibition bout aron makakuha'g pundo nga iyang itabang sa sama niyang uyamot ug nagumon sa ginadiling drugs.
Human nga gipadayag ni sa 53 anyos nga si Tyson ang iyang intensyon, sunodsunod na ang mitanyag kaniya. (ESL)