PAKINGGAN nalang natin because this is a democracy,” tambag ni Presidente Rodrigo Duterte ngadto kang Health Secretary Francisco Duque III nga natandog sa daghang pagsaway sa pagdumala sa gubat batok sa Covid-19.
Sa demokrasya dason sa Presidente, ang uyon ug supak naa kanunay. Sakto si Duterte, ang uyon ug supak nga kampo uban sa paghukom nga nauyonan sa mayoriya, importanteng elemento sa gawasnong nasod.
Dinhi sa Sugbo, ang Office of the Presidential Assistant for the Visayas (Opav), gisaway sa pagtukod og pasilidad alang sa dili grabe nga mga pasyente sa Covid-19.
Mao kini hinungdan ang tulo ka dakbayan sa Metro Cebu nga sentro sa ekonomiya, ang dakbayan sa Sugbo, Mandaue ug Lapu-Lapu, nagtukod og mga pasilidad lakip sa barangay isolation centers. Gipanagan-an ang nahitabo sa Manila nga hapit mapuno ang tanang ospital sa pasyente sa Covid-19.
Maayong lakang ang pagpangandam. Apan niani og pagsaway. Duha ka mga sakop sa konseho siyudad sa Sugbo ang bahin sa P50 milyunes nga pasilidad sa North Raclamation Area (NRA) ug uban pa. Murag wa malipay nga dili ingon kagrabe ang kaso sa Sugbo busa wa magamit?
Si Konsehal Dave Tumulak gikutlo sa usa ka mantalaan nga nikuwestiyon kon nganong wa magamit ang NRA facility nga sa iyang alegasyon daghang natanggong nga pasyente sa mga ospital nga mopasar sa sumala sa plano sa Opav.
Gidason ni Konsehal Nestor Archival ang alegasyon sa kakuwang sa pasilidad sa NRA.
May unod ang ilang komentaryo apan nganong sa media unang gipadayag? Dili ba opisyal sila? Responsable sa pakig-atubang sa hingtungdang ahensiya. Lahi ba ilang tuyo?
Maayong di usab nato pasagdan aron di mausik ang kuwarta sa gobiyerno. Apan sa diwa sa demokrasya, ang atong komentaryo tiunay nga pagpakabana batok sa Covid-19.