SUPERBALITA CEBU

84 anyos napaig sa sunog

NAPAIG ang 84 anyos nga lola human naapil sa pagkaugdaw sa iyang payag nga nasunog, pasado alas 2:00 sa kaadlawon niadtong Miyerkules, Mayo 27.

Si PSSgt. John Ericc Samosa sa Labangon Police Station 10 miila sa biktima nga si Patricia Ceralla, 84, ug molupyo sa Sityo Lower Toong sa Barangay Toong nga bukirang dapit sa siyudad sa Sugbo.

Sa imbestigasyon sa kapulisan, usa ka Arthuro Villaren, umagad sa napaig nga lola, maoy nipahibalo sa kapulisan nianang pagka buntag bahin sa ilang nadiskobrehan nga naugdaw nga balay.

Dugang ni Samosa nga base sa asoy sa kasilinganan, pasado alas 2:00 sa kaadlawon sa naasoy nga adlaw ilang nakita nga nisilaub ang payag.

Ug nabalaka ang mga silignangan nga naapil ang tiguwang sa pagka sunog sa payag tungod sa sitwasyon sa panglawas niini.

"Ang tiguwang magsungkod naman gud na mao to nga gituohan nga nasikaran ang lampara nga iyang gihimong suga," matod ni Samosa.

Ang lampara nga maoy gigamit sa lola nga suga sa iyang payag nga ginabutang sa lata nga maoy gituohan nga natandog sa tiguwang dihang natulog kini nga maoy hinungdan nga nayabo ug sinugdanan sa kalayo.

Dugang ni Samosa nga tungod sa kalayo sa dapit, gimanomano ang pagpalong sa kalayo ug nadiskobrehan nga naapil gyud sa pagkasunog ang tiguwang. Wala dayon kapahibalo ang mga anak sa tiguwang sa mga anaa sa barangay tungod sa gilay-on sa dapit sa sentro sa barangay hall.

Si PLt. Reynaldo Ramos sa Scene of Crime Operatives sa iyang inisyal nga pagkuha og mga ebidensiya sa dapit niingon nga walay nakita nga gituyo og sunog sanglit nga ang mga anak sa palibot anaa raman sa duol.

Alas 2:00 na sa kaadlawon sa ilang pagmata, dako na ang kalayo hinungdan nga maglisod sila sa pagpagawas sa tigulang hinungdan ang ilang unang gibuhat ang pag palong una sa kalayo sa nasunog nga payag.

Si Toong Barangay Captain Allen Borres sa pakighinabi sa Superbalita Cebu niingon nga ang barangay moabag usab sa ginagmay apan ang senior citizen nga kahugpungan dunay ayua nga ihatag.

Kabahin sa paglubong, agdon usab sa barangay ang tagtungod kon kanus-a ipalubong apan ipatuman gihapon ang social distancing atol sa paghatod sa lubnganan. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph