SUPERBALITA CAGAYAN DE ORO

Close contacts sa duha ka Covid-19 patients naa na sa 65

ANAA na sa 65 ka mga indibidwal ang nasuta sa City Health Office sa padayon nga contact tracing sa duha ka mga architecture graduate nga nagpositibo sa coronavirus.

Kini mao ang mga indibidwal nga kasakay sa maong mga confirmed Covid-19 patients sa mercy trip gikan sa Cebu City nga niabot sa dakbayan sa Cagayan de Oro niadtong Mayo 19.

Gibutyag ni Dr. Joselito Retuya , City Epidemiologist sa City Health Office nga padayon ang ilang contact tracing ug mokabat na sa 65 ang na-trace hangtod Mayo 27.

"Duna na ta'y kasamtangang total para sa kanila duha naa ta'y na contact trace na 65. Sixty five ang distibution sa atong CIU dinhi sa ato sa dakbayan, unom ang atoang duna'y minimal to low risk na atong ginsakpan sa atong mga City Isolation Unit. Twenty-five ka personahe sa atong mga responder nga ang ato po'ng gihimo nga risk assessment is very low kay sila tanan naka full PPE's man sila," matud ni Retuya.

Anaa usab sa lima ang mga coast guard sa Cebu City ang lakip niini kinsa padayon pa ang risk assessment kung unsa usab kadako ang risgo kanila sa dihang anaa pa sa Cebu ang maong mga covid-19 patients kinsa giingong nag-kwarantinas usab kini ug bag-o pa lang natapos.

Sa ship crew usab o mga personahe sa barko nga ilang nasakyan, anaa sa lima ang lakip sa contact tracing samtang ang kaubang mga pasahero mokabat usab sa 23 ug ang kasamtangang anaa sa CIU sa pagkakaron anaa sa 9 nga pulos gipang-swab lakip niini ang usa ka mabdos.

Mokabat usab sa 23 ang mga kaubang pasahero niini ug siyam ang kasamtangang anaa sa CIU samtang ang laing pasahero nga dili taga Cagayan de Oro ang na-contact na usab ug nanghinaot nga motawag kini kung kinahanglan nga makuhaan og swab sample.

"The other co-passengers ato na silang gipahibalo pinaagi sa pagtawag sa telepono duna'y taga Davao, duna'y taga Camiguin ug duna'y taga Agusan del Norte ug naa pud sa El Salvador," dugang ni Retuya.

Samtang gipasabot usab ni Retuya nga kini nga mga pasyente wala na niagi og kwarantinas ilabi na nga anaa sa enhanced community quarantine ang Cebu ug sugod pa sa Enero anaa lang kini sila sa ilang apartment gumikan sa lockdown.

Gibutyag usab ni Dr. Lorraine Nery, OIC sa City Health Office, nga dinhi sa siyudad gipaningkamotan nga masunod ang mga protocols ug gabayan sa dili pa mahatod pagbalik sa ilang mga dapit ug aron masiguro nga 'clear' kini niining maong virus.

"Kita pud dinhi sa Cagayan de Oro mao pud na nga ginapaningkamotan nato karon nga unsa ang mga rekisito ana ato gyud ng ipa-strictly implement before pud ta mag-release sa atong mga locally stranded individuals dinhi kung asa sila paingon nga mga areas pud," matud ni Nery.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph