SUPERBALITA CAGAYAN DE ORO

Ika-10 nga Covid-19 patient gikan sa Cebu

USA ka laing locally stranded individual (LSI) ug architect graduate ang nagpositibo sa coronavirus sa Cagayan de Oro kinsa gikan sa dakbayan sa Cebu.

Ang maong bag-ong confirmed Covid-19 patient sa Cagayan de Oro usa ka 25 anyos nga babaye nga taga Barangay Lumbia.

Gibutyag ni Dr. Bernard Julius Rocha, Medical Specialist II sa Northern Mindanao Medical Center (NMMC), nga kini nga pasyente gikan sa City Isolation Unit (CIU) sa siyudad ug gibalhin sa NMMC mga alas 10:00 sa gabii niadtong Mayo 26 human nakasinati og paglisod sa pagginhawa sulod sa tulo ka mga oras ug nakasinati usab kini og pag-ubo ug loose bowel movement (LBM).

"We admitted the patient with the diagnosis of community acquired pneumonia - moderate risk. Currently ang iyang status sa amo is stable," matud ni Rocha.

Samtang gikumpirma usab ni Dr. Joselito Retuya nga ang maong kumpirmado nga kaso kauban sa 26 anyos nga lalaki nga taga dakbayan sa Iligan City sakay sa barko nga niabot sa Cagayan de Oro niadtong Mayo 19.

"Kani siya kuyog kani siya sa gikan ngadto sa Cebu nga gitawag nato sila'g LSIs. Stranded in Cebu and then were able to come back gikan sa atong gitawag nga Mercy trip sa usa ka barko niadtong petsa 19," matud ni Retuya.

Gidugang usab ni Mayor Oscar Moreno nga lakip kini sa mga ni-gradwar sa architecture dinhi sa dakbayan ug niadto sa Cebu aron sa pag-review ug pagtake sa board exam apan naapsan niining krisis sa covid-19 ug natabangan nga makabalik sa siyudad.

"Gikan kini siya sa Cebu. Part kini siya sa grupo, mga graduate sa architecture dinhi sa dakbayan and nag-adto sa Cebu in order to take the board exam, to review and to take the board exam for architecture. Unfortunately, the pandemic resulted to the cancellation or postponement of the exam," dugang ni Moreno.

Anaa usab sa 15 ang na-swab ug duha ang nagpositibo niini diin ang taga Iligan ug kining taga Lumbia.

Giingong nakitaan kini og sintomas samtang anaa sa CIU rason nga gidala sa NMMC ug anaa sa stable nga kahimtang sa pagsulat niini nga balita.

Gibutyag usab niini nga ang transmisyon sa virus wala sa Cagayan de Oro ug sa barko apan posibleng sa didto pa kini sila sa Cebu kinsa na-stranded sukad sa Mayo 15 ug anaa sa holding area sa maong siyudad sulod sa pila ka mga adlaw hangtod nga nakabiyahe dinhi sa siyudad.

Padayon usab ang contact tracing sa Retuya's army karong mga panahona sa mga kauban sa barko ug sa holding area lakip na usab ang mga coast guard gikan sa Cebu City.

Anaa na sa napulo ka mga kaso sa covid-19 sa siyudad diin 5 niini ang patay nga naggikan sa 1 sa Barangay Camaman-an, 1 Barangay Lumbia, 2 Barangay Carmen ug Barangay Bulua nga namatay sa Davao. Upat usab ang nakarekober gikan sa numbered Barangay, ug 3 sa Pinikitan, Camaman-an samtang usa ang kasamtangang anaa sa NMMC.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph