SUPERBALITA CAGAYAN DE ORO

320 gitugotan nga makasimba sa pagbukas sa publikong misa

GIPAHIBALO sa mga lumilihok sa Jesus Nazareno Parish nga buksan na ang simbahan alang sa pampublikong misa sugod karong Mayo 31, 2020 apan limitado lamang ang makasulod.

Anaa sa mga 320 ang makasulod sa pagpatuman sa social distancing, apil na nini ang lima ka membro sa choir, duha ka sakristan, duha ka magbabasa, ug lima ka Eucharistic ministers ug ang pari.

Anaa usab sa 3 lang ang makalingkod sa matag lingkuranan.

Kini ang mga iskedyul sa misa diin sa adlaw nga Sabado duna'y duha ka cluster:

Cluster 2 -- 6 a.m. - first mass; 7:30 a.m. - second mass; 9 a.m. - third mass; 10:30 a.m. - fourth mass; ug 12 p.m. - fifth mass.

Cluster 3 -- 2 p.m. - first mass; 3:30 p.m. - second mass; 5 p.m. - third mass; ug 6:30 p.m. - fourth mass.

Sa adlaw nga Dominggo mao ang iskedyul sa cluster 1 ug non-parishioners: 6 a.m. - first mass; 7:30 a.m. - second mass; 9 a.m. - third mass; 10:30 a.m. - fourth mass; 12 p.m. - fifth mass; 3 p.m. - sixth mass; 4:30 p.m. - seventh mass; ug 6 p.m. - eighth mass.

"Starting Sunday, 31st of May 2020, Pentecost Sunday, our Church will be open for public masses (if the city will declare its status into modified GCQ). But our Lay Faithful is encourage to follow the guidelines to ensure the safety of everyone," ang post sa Jesus Nazareno Parish.

Dunay gabayan nga ipatuman sama sa magpabilin ang pagtuman sa mga pahimangno sa lokal nga kagamhanan ug sa Department of Health (DOH) ug hugot nga obserbahan ang social distancing ug public and personal hygiene ug pagsul-ob og face mask.

Ang pahimangno nga usa ra ka tawo ang tugotan sa paggawas sa balay ug kinahanglan nga obserbahan aron malikayan ang pagdaghan sa tawo sulod sa Balay-Alampo-anan.

Samtamg gidasig ang mga parokyano sa pagdala sa ilang kaugalingong sanitizers, paglimpyo sa ilang mga kamot ug adunay ibutang nga foot bath sa mga pultahan sa Simbahan aron sa pagtunob niini sa dili pa mosulod.

I-disinfect sad ang simbahan kada human sa Santos nga Misa, samtang gidasig ang paggamit sa mga basketball courts ilabi na sa mga Kapilya nga duol niini. Mananghid lamang sa barangay tsirman sa paggamit niini.

Gidid-an gihapon ang pag-amen sa kamot sa Pari, ang pagkalawat ginamit ang dila, shaking of hands ug beso-beso panahon sa "Yukbo sa Kalinaw".

Magpabilin gihapon nga aduna'y live streaming sa mga Santos nga Misa alang sa mga anaa sa panimalay, mga masakiton ug mga senior citizens, ug alang sa mga tawo nga under monitoring ug gikwarentinas.

Ang adlaw'ng Sabado himuon nga "anticipated day for Sunday liturgy."

Gibutyag ni Mayor Oscar Moreno nga nagpadala kini og tubag ngadto kay Archbishop Antonio Ledesma kalabot na niining pagbukas sa mga simbahan alang sa pampublikong mga misa diin giingong magpaabot una sa risk assessment process nga himuon sa Inter-Agency Task Force (IATF) lang karong Hunyo 1.

"Sa pagkakaron, general community quarantine pa ta although naa na'y diha sa guidelines naa na ang para sa modified GCQ naa napud para sa new normal pero hulatan nato unsay resulta sa risk assessment process," matud ni Moreno.

Gibutyag ni Moreno nga hulatan una ug mag-agad lang kini sa IATF base na usab sa opinyon sa mga doktor kung pwedi na ug andam nga mosunod ug buhaton ang angayang buhaton aron masiguro ang kaluwasan sa katawhan.

"Mass gatherings in enclosed places, medyo gyud high risk na sila. It's up for the scientist to decide. Ako mosubay lang ko kung moingon ang IATF on the basis of opinions of our specialist mga doctors nga pwedi na kay low risk then we'll abide," dugang pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph