Gitigbas sa ulo

USA ka mag-uuma samdan sa iyang ulo ug liog human gitigbas sa iyang silingang kainom niadtong Martes sa gabii, Mayo 26, sa Barangay Magsiko, lungsod sa San Fernando.

Ang biktima mao si Alfonzo Tubalado, hingkod ang panuigon ug molupyo sa naasoy nga dapit.

Ang suspek mao si Estaneslao Barnayja, 38, minyo, mag-uuma ug silingan sa biktima, nasikop sa kapulisan.

Si Police Staff Sgt. Paul Baclay sa San Fernando Police Station nga nahinabi sa Superbalita Cebu nagkanayon nga nag-inom ang duha human sa ilang pagdaro sa umahan.

Ang suspek nibutyag nagkalalis sila dihang nipadayag ang biktima sa pagselos nga kini maoy gisaligan sa ilang amo.

Mao kini hinungdan nga nahitabo ang ilang panaglalis ug nisangko sa pagpanigbas.

Ang suspek gipaabot nga pasakaan og tukmang kaso sa suspek. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph