BISAN tuod og napanglantawan nga mobalik na ang aksiyon sa National Basketball Association (NBA) sa Hulyo, way kasiguroan kon moduwa ang star player sa Portland Trailblazers nga si Damian Lillard.
Gipadayag ni Lillard nga kon sa bag-ong format nga sundon alang sa nahabiling mga duwa, wa silay kahigayonan nga makasulod sa playoffs, wa siyay plano nga motiwas sa tibuok season.
Sa taho sa ESPN Sports, dako ang posibilidad nga adto sa Walt Disney World Resort sa Orlando ipahigayon ang tanang mga duwa, apan wa pa usab mahikyad ang format kon mub-on ba ang regular season o duwaon na lang og diretso ang playoffs nga ibase ang kasamtangang top eight sa matag conference.
“If we come back and they’re just like, ‘We’re adding a few games to finish the regular season,’ and they’re throwing us out there for meaningless games and we don’t have a true opportunity to get into the playoffs, I’m going to be with my team because I’m a part of the team,” matod ni Lillard sa Yahoo Sports.
Sa kasamtangan, ang Trail Blazers (29-37), anaa sa ikasiyam nga puwesto sa Western Conference.
“But I’m not going to be participating. I’m telling you that right now. And you can put that [expletive] in there. If we come back and I don’t have an opportunity to make the playoffs, I will show up to work, I’ll be at practice and I’ll be with my team. I’m going to do all that [expletive] and then I’m going to be sitting right on that bench during the games.”
Usa sa mga gitun-an nga format mao ang paghatag og kahigayon niadtong mga team nga wala masulod sa top eight sa matag conference apan mub-on ang mga regular season.
“If they come back and say it’s something like a tournament, play-in style, between the No. 7 and No. 12 seeds, if we’re playing for playoff spots, then I think that’s perfect,” dugang ni Lillard.
Nag-una sa Blazers nga anaa sa ikawalo nga luna ang Memphis Grizzlies nga gipangulohan ni Jo Morant nga may 32-33 nga baraha.
Ang 29 anyos nga Lillard, nangulo sa Blazers ngadto sa playoffs sa niaging unom ka tuig, lakip na niini ang Western Conference finals sa niaging season. (JBM)