Pagkahimabaye maoy nakapurdoy ni Tyson

GIBUTYAG ni Mike Tyson, 53, nga dihang nagtagamtam pa siya sa katam-is sa kalampusan isip usa ka boksidor kaniadto, grabe ang iyang pagkamahiligon sa babaye.

Matod sa kanhi world heavyweight undisputed boxing champion nga usa kini sa mga hinungdan nga nahurot ang minilyon nga dolyares nga iyang kita gikan sa kalibutan sa boksing.

Ang gitawag og Iron Mike, kinsa usa sa labing adunay kusog nga kumo sa kasaysayan sa boksing, miingon nga makighilawas siya og pipila ka mga babaye sa usa lang ka adlaw kaniadto.

Ning mga panahuna, giangkon ni Tyson nga grabe ang iyang pagwaldas sa iyang kuwarta.

“You can’t f--k girls like you used to when you were young,” matod ni Tyson sa Hotboxin’ podcast nga napatik sa Spin.ph.

“You can’t be having bitches around like you do when you were young. They f--k up money, I didn’t know that. They were fun then, but when you’re older they aint fun no more. f--king all day aint fun no more, you want some f--king money, you know what I mean.”

Daghang kabtangan ang napundar ni Tyson gikan sa boksing apan ang tanan hinayhinay nga nahanaw gumikan sa babaye, bino, drugas ug uban pa nga nagpilit sa luho niyang kinabuhi.

Si Tyson ni-file og bankruptcy niadtong 2003 human siya nakatigom og kapin sa $300 million gikan sa iyang mga away. Miretiro siya niadtong 2005.

"Giving people money like f--k everybody, party with everybody and f--k their mothers, their sisters and their cousins... orgies. I was crazy. I was so sick and I had no idea I was so sick. I bought a lot of cars for girls too," pasabot ni Tyson.

“I was out of control drinking, gorging on food, f--king women.”

Alang sa manager ni Tyson nga si Rory Holloway, ang pagkamahiligon ni Tyson sa babaye maoy labing dakong hinungdan sa iyang pagkahagba sa ubos.

“I knew there was nobody in the ring who could stop him. The only reason he may not go down as the best is because of his weakness for women. Every decision he made was around women and sex," asoy ni Holloway.

Matod ni Holloway nga gimahayan ni Tyson ang tanan niyang nabuhat apan dili ra gihapon mapabalik niini ang kagahapon.

Ning bag-uhay lang, si Tyson nipadayag sa iyang intensyon nga mobalik og away sa usa ka exhibition bout.

Tinguha ni Tyson nga makatigom og pundo aron iyang itabang sa mga sama niyang nauyamot.

Sa kasamtangan, ubay-ubay na nga tanyag ang nadawat ni Tyson alang sa iyang pagbalik og away apan wala pa siya'y opisyal nga gidawat. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph