SUPERBALITA CEBU

Kapitan sa Danao mitapon kang Frasco

BARANGAY kapitan ug iyang pipila ka kaubang opisyal sa Dakbayan sa Danao nitapon ug nanumpa ngadto sa kampo sa mga Frasco.

Si Dungga Barangay Kapitan Telesforo Durano ug pipila niya ka mga konsehal nitapon ug nanumpa kang Cebu 5th district Representative Vincent “Duke” Frasco.

Niadtong Mayo 23, sa Danao City, mihurar kang Frasco si Durano uban kanila ni barangay konsehal Juanita Lawas, Konsehal Daniel Alerta, ug Sangguniang Kabtaaan chairman Remond Lavador.

Nisaksi sa pagpanumpa sa mga opisyal sa Dungga mao sila si Liloan Mayor Christina Garcia-Frasco, Provincial Board Member Red Duterte ug Mike Villamor.

Sila si Durano ug kaubanan kanhi mga sakop sa Barug alang sa Kauswagan ug Demokrasya (Bakud) party.

Matod ni Durano nga taudtaud na siyang naghuna-huna sa pagtapon kang Frasco.

“Dugay nang naghandum ang katawhan ug kausaban. Among nakita nga sa pagpanerbisyo ni Kongresman Frasco, makapanghinaut mi nga amo na gyung matagamtaman ang pag-uswag sa among barangay,” matod ni Durano.

Si Frasco nalipay sa pagtapon sa mga opisyal sa Dungga.

“Sayod ko sa kalisud sa atong mga kaigsuonan dinhi ug mapasalamaton ko sa higayon na makapanerbisyo kanila pamaagi sa mga programa ug proyekto nga makahatag ug kahupay sa kalisod, ug basin pa, paglaum sa kinabuhi,” matod ni Frasco. (REV, PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph