Nalzaro: Hustisya ni Christine?

SIGUN sa balaod nga kon ang tawo nag-atubang og kaso ug kon mamatay siya, mapapas na ang iyang criminal liability. Mao kini anag nahitabo sa mga kaso nga gi-atubang ni Renato Llenes, ang suspetsado sa brutal nga pagpatay sa dalagitang si Christine Lee Silawan, 17 anyos, niadtong Pebrero 2019.

Si Llenes, 42 anyos, ang nakit-ang kining patay niadtong Domingo sa kadlawon sulod sa iyang selda sa Lapu-Lapu City Jail. Matod pa gilain pagpriso si Llenes sa infirmary cell uban sa laing upat ka mga piniriso sa dihang nakit-an kining patay.

Matod pa nga mga senina nga gisumpay-sumpay maoy gigamit ni Llenes pagtubok pinaagi sa pagbitay. Matod pa sa suicide ang nahitabo. Una niini, si Jail Warden Jessie Calumpang dili makatuo nga nag-suicide si Llenes.

Kon nagbitay siya sa iyang kaugalingong nganong wala mogawas ang iyang dila og walay suka? Mao nga mimando siyag autopsy og nasuta sa autopsy nga nag-suicide gyud siya. Ug dili kita makalalis sa resulta sa autopsy. Matod pa sa mga sa jail officials nga ilang gibalhin si Llenes sa infirmary cell uban sa laing masakiton gumikan kay duna silay na-obserbahan nga morag aduna kini mental problem.

Basin naburyong. Ug alang usab sa kaluwasan ni Llenes kay adunay mga paryente si Silawan sa sulod sa jail. Basin panimaslan. Kahinumdoman, miangkon si Llenes nga siya maoy nagpatay ni Silawan diin iyang gihiwa-hiwa ang nawong ug gidunggab sa makadaghan nga higayon. Nadakpan si Llenes sa kapulisan sa Lapu-Lapu City human usa ka buwan nakit-ang patay si Christine sa usa ka dakong hawan ug awa-aw nga lugar sa Lapu-Lapu.

Brutal ang pagpatay sa dalagita. Human masikop si Llenes, yano kining mi-angkon nga siya gyud ang nagpatay kang Christine, kinsa iyang na-amiga pinaagi sa social media. Hangtod sa arraignment iyang gi-angkon ang maong salaod. Nahatagan na ba usab og hustisya ang kamatayon ni Christine nunot ning kamatayon sa nagpatay kaniya? (bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph