USA ka laborer gipusil patay sa wa milhing mga suspetsadong nakamotor didto sa may Pioneer Avenue, kanto Roxas Street, siyudad sa Tagum, Sabado sa kaadlawon.
Nailhan ang biktima nga mao si Dennis John de Leon, 19, molupyo sa Purok Talisay, Barangay Magugpo North, dakbayan sa Tagum.
Sa report gikan sa Tagum City Police Station, nasayran nga nahitabo ang pagpamusil pasado alas 2:45 sa kaadlawon samtang nagbaktas ang biktima didto sa maong lugar, kalit matud pa nga miduol kaniya ang usa ka wa mailhing lalaking nakamotor ug sa way paglangan, gipusil ang biktima gamit ang wa pa matinong kalibre sa armas.
Naigo ang biktima sa iyang ulo hinungdan sa hinanaling kamatayon.
Human sa pagpamusil, ang suspek dayong misibat padulong sa wa matino nga lugar sakay sa iyang motorsiklo
Sa paghiling sa mga sakop sa Scene of the Crime Operatives-Davao del Norte, nasuta nga ang biktima dunay duha ka mga samad pinusilan sa iyang ulo nga hinungdan sa iyang kamatayon.
Kapulisan sa siyudad sa Tagum nagpadayon sa ilang imbestigasyon. (Marvin Pineda)