SUPERBALITA CEBU

Negros Oriental police bag-o og hepe

HULIP: Si Police Colonel Julian Entoma (wala), gihulipan isip director sa Negros Oriental Police Provincial Office (NOPPO) ni Police Colonel Arnel Banzon sugod sa Mayo 28, 2020. (File Photo, Tampo)

HEPE sa Negros Oriental Police Provincial Office (Noppo) gihulipan na sa katungdanan tungod sa nagsingabot niyang retirement sa Agusto ning tuiga.

Si Police Regional Office7 Director Police Brig. General Albert Ignatius Ferro mihagit kang NOPPO Director Police Colonel Arnel Banzon sa pagsulbad sa media killings sa probinsya.

Si Banzon mao ang nihulip kang Police Colonel Julian Entoma sugod sa Mayo 28, 2020. Si Entoma gitakdang moretiro na sa serbisyo.

Si Banzon maoy hepe sa Regional Investigation and Detective Management Division 7 sa wa pa gitudlo pagka direktor.

Matod ni Ferro nga mag non-duty status na si Entoma.

Usa sa iyang gipatutukan ni Banzon mao ang pagsulbad sa insurhensya sa probinsya.

Ang mga kalihukan sa rebeldeng New People’s Army (NPA) nahibalik sa lalawigan human kini mahilom og pipila ka mga tuig.

Gimandoan usab ni Ferro si Banzon sa pagpadayon sa programa sa kapulisan batok sa coronavirus disease (Covid-19).

“We need to have a strong police commander in Negros Island so that our counter-insurgency, anti-illegal drugs and anti-criminality projects will be sustained,” matod ni Ferro.

Iyang mando usab kang Banzon mao ang pagsulbad sa media killing sa siyudad sa Dumaguete.

Niadtong Mayo 5, 2020 sa gabii, si Rex Cornelio Pepino, radio reporter, gipusil patay sa duha mga tawo nga nag-angkasay sa motorsiklo sa Barangay Daro, Dumaguete City.

Si Banzon sa iyang bahin, nagpasalamat sa pagpili kaniya ni Ferro nga mangulo sa kapulisan sa probinsya sa Negros Oriental.

Iyang gipasalig nga tumanon ang mando ug mga programa nga ipaimplementar kaniya.

Makigtagbo pa siya sa iyang mga sakop alang na sa update sa kamatayon sa mga sakop sa media sa dakbayan sa Dumaguete nga gipang pusil.

“Ang ako lang ani is to fasttrack the investigation although naa na may development but still we have to dig deeper sa investigation,” matod ni Banzon.

Si Banzon sakop sa Philippine National Police Academy (PNPA) class of 1996 samtang si Entoma sakop sa PNPA class 1991. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph