SUPERBALITA CAGAYAN DE ORO

Cagayan de Oro ipaubos na sa modified GCQ



GIKLARO sa lokal nga kagamhanan sa siyudad sa Cagayan de Oro nga padayon pa ang mga implementasiyon sa mga ordinansa sa dakbayan bisan pa man nga sugod Hunyo 1 hangtod Hunyo 15, 2020 ipa-ubos na sa modified general community quarantine (MGCQ) ang dakbayan.

Sa bag-ong gipagawas nga Resolution 40 sa Inter-Agency Task Force (IATF), Mayo 27, 2020, nagmando nga sugod sa Hunyo 1, ipa-ubos na sa MGCQ ang mga low risk area diin sa Mindanao lakip ang Northern Mindanao nga gilangkoban sa Bukidnon, Camiguin, Lanao del Norte, Misamis Occidental, Misamis Oriental ug Cagayan de Oro City.

Sa gabayan sa Department of the Interior and Local Government (DILG)-Northern Mindanao sa revised omnibus guidelines, nakalatid nga gitugotan na ang dine-in sa mga kan-anan apan anaa lang sa 50 percent capacity; tourist destinations, travel agencies, tour operators, reservation services ug uban pa nga dunay kalambigitan niini nga industriyam lakip ang personal care services sama sa massage parlor, sauna, facial care, foot spa ug waxing salon.

Apil na usab ang mga gym/fitness studio, entertainment industries (cinema, theaters, karaoke), library, archives, ug museum sa 50 percent capacity; mga hotel sa 50 percent capacity; mass gathering (movie screening, concert, sporting events ug non-essential work gatherings) sa 50 percent capacity; religious gathering; outdoor or non-contact sports lakip na ang indoor non-contact sports basta ipatuman ang mga health standards; mga clubhouse sa 50 percent capacity; road, rail, maritime ug aviation sectors base na usab sa gabayan nga gi-isyu sa Department of Transportation ug uban pa.

Gibutyag ni Mayor Oscar Moreno nga dinhi sa dakbayan sa Cagayan de Oro, padayon pa gihapon ang implementasiyon nga gipatuman kaniadto sama sa pagsul-ob og face mask, pagdala sa Barangay Exit pass (BEP), implementasiyon sa curfew ug pagpatuman sa social distancing.

"Padayon pa gihapon, kinahanglan pa kay naa pa'y kwarantina and the philosophy of the quarantine still applies. So naa pa gihapon ang social distancing, naa pa gihapo'y face mask, naa pa gihapo'y paghugas sa kamot, naa pa gihapo'y pagpuyo sa balay" matud ni Moreno.

Gidugang pa niini nga dili na kini maghangyo og reconsideration kalabot na sa pagpaubos sa MGCQ sa dakbayan apan magpadala gihapon kini og sulat sa IATF susama sa gihimo kaniadtong Mayo 15 aron sa pagpananghid nang daan nga kung duna'y mga himuon nga aksiyon o angayang buhaton sa usa ka dapit sama sa containment nga gihimo sa Pinikitan, Carmen, Zayas ug sa Macanhan, Carmen.

"We will not ask for reconsideration but we will ask them to understand nga naa tay pwedi buhaton as may be warranted although we will do that judiciously," dugang ni Moreno.

Nasayran nga gikan sa pagpagawas sa maong kamandoan, Mayo 27, gihatagan og hangtod Mayo 30 ang mga local government unit sa pag-apelar o paghatag og komento kalabot na niini nga klasipikasiyon ug gabayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph