SUPERBALITA CAGAYAN DE ORO

Accreditation sa Philhealth gitinguha

GITINGUHA karon sa lokal nga kagamhanan sa dakbayan sa Cagayan de Oro nga ma-accredit na sa Philhealth ang mga City Isolation Units (CIU) sa siyudad diin gi-kwarantina ang mga locally stranded individual (LSI) ug mga overseas Filipino workers (OFW) ug bisan ang mga close contacts sa mga na-admit nga suspect ug confirmed Covid-19 patients.

Ang Philhealth nagpagawas og circular number nga 2020-0012 diin kini ang giya sa sa Covid-19 Community Isolation Benefit Package (CCIBP) o pag-accredit sa mga Health Care Institutions/Providers aron nga matabangan ang mga lokal nga kagamhanan sa pagtubag sa krisis niining pandemic nga padayong nasinatian pinaagi na usab sa Republic Act 11469 (Bayanihan to Heal as One Act).

Nasayran nga anaa sa March 30 hangtod Mayo 27, 2020, anaa sa 225 ang kasamtangang naka-kwarantinas sa nagakadaiyang mga CIU sa siyudad ug padayong gi-monitor sa personahe sa CHO.

Gibutyag ni Mayor Oscar Moreno nga gitinguha karon nga hingpit an nga ma-accredit ang maong mga City Health Isolation Units (CIU) ug bisan ang mga hotel nga kasamtangang gipahimutangan sa mga gi-kwarantinas karong mga panahona.

"Akong i-focus karon ,katong atong mga CIU ma accredit na sa Philihealth ug sa Department of Health para eligible na dayon nga makadawat sa Philihealth reimbursement," matud ni Moreno.

Nagtunol usab ang lokal nga kagamhanan sa siyudad sa ilang mga panginahanglanon labi na ang pagkaon aron nga dili na mogawas pa ang mga nagkwarantinas labi na nga dunay mga tabang usab nga nadawatan ang lokal nga kagamhanan ug gitagana usab sa mga CIU.

"Ato na ga-atimanon para di na sila molakaw of course we are spending for all of these pero okay naa man say gadonar panghatag og bugas, etcetera, kana sab atong ipasa ang uban sa atong CIU," dugang niini.

Nanghinaot kini nga mapa-accredit na ang mga CIUs sa siyudad aron nga matag indibidwal nga mabutang sa CIU dunay dalawaton ang siyudad gikan sa Philhealth.

Gidugang pa nga sa pagkakaron, maayo man ang lakaw ug duna'y mga tabang nga gakadawatan ang gitagana usab sa maong mga isolation units sa dakbayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph