SUPERBALITA CAGAYAN DE ORO

Amahan, anak nagpositibo

ANAA na sa 12 ka confirmed Covid-19 cases ang natala sa Cagayan de Oro human nga nagpositibo ang bana ug anak sa ika-siyam nga kumpirmadong kaso sa dakbayan nga taga Macanhan, Barangay Carmen.

Kahinumdoman nga namatay ang ika-9 nga Covid-19 patient sa dakbayan nga usa ka 62 anyos nga babaye niadtong Mayo 15, rason nga gibutang sa City Isolation Unit (CIU) ang anak ug bana niini kinsa niadtong Mayo 27 nagpositibo usab sa maong virus.

Ang bana niini nag-edad og 63 anyos, samtang ang anak ang nag-edad og 42 anyos kinsa pabilin nga anaa sa isolation unit.

Gibutyag ni Dr. Joselito Retuya, epidemiologist sa City Health Office (CHO), nga kining bag-ong duha ka nagpositibo o ang ika 11 ug ika 12 nga confirmed Covid-19 patients sa siyudad mao ang bana ug anak kinsa dugay ra nga gibalhin sa isolation unit.

"Sila ato na na silang gihikling niadto pang petsa 21 paghimo nato sa atong focus containment dihang lugara sa Macanhan ang duha niya ka closest relatives ang iyang bana ug iyahang daughter," matud ni Retuya.

Gidugang pa niini nga mag-usa na kini sila ka semana sa CIU ug pabilin karon nga mga asymptomatic o walay mga sintomas sa pagkakaron.

"Sila karon mentras tanto nag-isa ka semana na didto sa atong City Isolation Unit. Daily ang atong pagmonitor sa ilaha. Wala'y gipakita nga unusual signs and symptoms ug nagpabilin silang asymptomatic," dugang pa.

Sa pagkakaron, anaa na sa 12 ang kaso sa siyudad ug tulo ang aktibong kaso diin 1 sa Barangay Lumbia, nga anaa sa Northern Mindanao Medical Center, ug 2 sa CIU. Samtang lima usab ang patay nga 1 sa Barangay Lumbia, 1 sa Barangay Bulua nga namatay sa Davao City, 2 sa Barangay Carmen ug 1 sa Pinikitan, Barangay Camaman-na ug 4 usab ang naka-rekober kinsa ang pinaka-unang kaso sa siyudad nga nahimutang sa numbered barangay ug 3 sa Pinikitan, Camaman-an.

Padayon pa karon ang contact tracing kalabot na niining maong mga kumpirmadong kaso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph