SUPERBALITA CAGAYAN DE ORO

P25M alokasiyon gikan sa Bayanihan grant alang sa Erid facility



GI-ANUNSIYO sa lokal nga kagamhanan sa siyudad sa Cagayan de Oro nga anaa sa P25 milyones ang alokasiyon sa gitakdang himuon nga Erid (Emerging and Re-emerging Infectious Diseases) facility sa dakbayan sa Cagayan de Oro.

Kini ang gibutyag ni Mayor Oscar Moreno atol sa daily press briefing kagahapon, Mayo 26, kalabot na sa paggahin og pundo gikan sa Bayanihan To Heal As One grant/fund nga gitunol sa nasudnong gobyerno aron sa pakigbatok sa coronavirus disease (Covid-19).

Gibutyag niini nga kini pagpangandam alang sa isolation o quarantine apan nanghinaot nga wala na'y virus apan dako matud kini og tabang kung simbako sa mga susama niini nga krisis.

"We have allocated P25 million for the construction of an Erid facility. Erid is Emerging and Re-emerging Infectious Diseases. We are going to construct that. Tabang pud na sa not just isolation, quarantine but also simbako og naay disaster, mahimo sab na siyang disaster preparedness multi-purpose building pero kana is we're putting P25 million for that," matud ni Moreno.

Gidugang pa nga nanghinaot nga wala na'y masinatiang virus apan giingong pagpangandam kini simbako sa mga kalamidad nga masinatian ug mapuslan sa katawhan. Buot usab niini nga tukoran og laboratoryo labi na kining Biosafety level 2.

"We are getting ready with that. In fact, malooy ang Ginoo as we are able to do that. We would like to put up a laboratory diha, kanang gitawag nga BSL 2 laboratory. Naa sab ta'y capacity sa testing," matud ni Moreno.

Ang dakbayan nagpalit na usab og duha ka mga real-time reverse transcription polymerase chain reaction (RT-PCR) machine nga anaa gibutang sa Department of Health (DOH)-Northern Mindanao ug duna pa'y laing gipaabot nga laing duha ka mga machine nga ibutang sa Northern Mindanao Medical Center nga anaa sa P2.5 ngadto sa P2.7 milyones ang matag usa.

Gibutyag ni Moreno nga kini nga mga "investments" dili lamang alang sa siyudad apan mapuslan kini dili lang sa usa ka lugar apan sa kadaghanan ug ubang mga dapit.

Nagpasalamat usab kini sa mga pribadong kompanya nga nagdonar ug nanghinaot usab nga magtinabangay ang lokal nga kagamhanan alang sa pakigbatok niining virus.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph