SUPERBALITA CEBU

Dugang 8 ka Covid-19 cases ang natala sa Sugbo

(File Photo)

WALO ka mga bag-o nga positibong kaso sa coronavirus disease (Covid-19) ang natala lukop lalawigan sa Mayo 28, 2020.

Kini maoy resulta sa Covid-19 test sa mga swab samples nga gisumiter sa probinsya sa Sugbo ngadto sa Vicente Sotto Memorial Medical Center (VSMMC) ang sub-national laboratory sa Rehion 7.

Mao kini ang gipahibaw ni Gobernador Gwendolyn Garcia atol sa press conference sa kapitolyo.

Ang mga nag positibong kaso gikan sa lungsod sa Minglanilla, Dumanjug ug dakbayan sa Talisay.

Lima ang nadugang sa lungsod sa Minglanilla nga gikan sa Nacua-Heramil compound sa Barangay Linao.

Usa ang natala sa Lungsod sa Dumanjug, mao ang 41 anyos nga dialysis patient.

Samtang ang duha gikan sa Dakbayan sa Talisay nga usa ka hospital worker ug senior citizen.

Duha usab ang nag positibo gihapon sa repeat test gikan sa Cebu Provincial Detention and Rehabilitation Center (CPDRC).

Gawas sa mga positibong kaso, natala usab ang unom ka mga indibidwal nga nakasinati ug severe acute respiratory illness (SARI) samtang 54 ang nakasinati ug influenza like illness (ILI).

Sa kinatibuk-an moabot na sa 144 ka mga kaso ang natala sa lalawigan sa Sugbo. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph