IATF gihangyong Labella mag-GCQ

GIHANGYO ni Cebu City Mayor Edgardo Labella ang Inter-Agency Task Force for the Management of Emerging Infectious Disease (IATF-MEID) nga ipaubos sa general community quarantine (GCQ), inay modified enhanced community quarantine, (MECQ) ang dakbayan sa Sugbo.

Ang hangyo ni Labella iyang gi-address kang Director Leocadio Trovelo, chairperson sa Regional IATF-MEID human ang ulohang buhatan niini nibutang sa Dakbayan sa Sugbo sa MECQ. Magsugod ang mao nga quarantine status sa Hunyo 1, 2020.

Giila sa task force nga taas og risgo sa coronavirus disease (Covid-19) infections ang Dakbayan sa Sugbo isip highly urbanized city.

"Classified as high-risk, HUC, Cebu City shall be placed under Modified Enhanced Community Quarantine (MECQ) until 15 June 2020," tipik sa resolution sa IATF.

Andam na

Sa iyang suwat ngadto kang Trovela, si Labella nipadayag sa kaandam sa siyudad sa transition gikan sa ECQ paingon sa GCQ. Gihimong sukdanan sa mayor mao nga ang kaso sa Covid anaa sa 2,013, apan ang casualty anaa lang sa 25 kun 1.2%.

Ang recoveries sa Cebu City niabot na og 471 kun 23% nga iyang gihulagway nga maayong tilimad-on ug basehan ug ang mga kaso Covid padayon nga nius-os.

Niadtong Mayo 27, adunay 164 ka mga pasyente ang naka-recover ug kagahapon 77 na ka mga indvidual ang laboratory negative na usab.

"Given the foregoing, it is but is logical step for the City Government to transition into GCQ but with the corollary discretion to place under segmental and sequential lockdwon critical areas," dugang ni Labella sa iyang suwat.

Ang Cebu City na lang ang ubos sa MECQ kay ang Mandaue City naa sa GCQ sugod Hunyo 1.

Way kausaban

Si Atty. Mary Rose Lubino, chief of staff sa Office of the Mayor, nagkanayon nga way dakong kausaban sa executive order nga giluwatan ni Labella niadtong Mayo 15 nga gibakwi sa mayor gumikan sa desisyon sa IATF nga gibalik ang status sa Cebu City sa ECQ gikan sa MECQ.

Kon uyonan sa IATF ang hangyo ni Labella, mopagawas og laing EO ang mayor para sa Hunyo 1 hangtod Hunyo 15 alang sa MECQ.

"The difference relies on the requirement for rapid testing for businesses before they can resume operations. Dole, DOH made it categorically clear that dili required ang testing whether it rapid or PCR before employees can come back to work," klaro ni Lubino.

Si Labella nibutyag nga kon mawala na ang Covid, iyang ipadayon ang coding scheme sa mga plate number sa sakyanan para mapadayon ang kaluag sa trapiko ug ang curfew iya usab ipatuman. (PAC/HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph