SUPERBALITA CEBU

Boxing sa Las Vegas karong Hunyo 9 ug 11

GIAPROBAHAN na sa Nevada State Athletic Commission (NSAC) ang duha ka petsa sa pagpahigayon sa Top Rank og boxing promotion karong Hunyo didto sa MGM Grand sa Las Vegas, Nevada.

Gikauyonan sa NSAC atol sa conference call ang pagtugot sa Top Rank nga makapaboksing kini sa Hunyo 9 ug Hunyo 11.

Ang promotion ipahigayon nga walay mga fans sulod sa arena nga mao karon ang lagda sa tanang mga sporting events sa America samtang gipatuman pa ang mga restrictions ning nagpadayon nga pagkatap sa Covid-19.

Ipasalida ang maong promotions sa Martes ug sa Huwebes.

“I’ve been working with the executives from Top Rank,” matod ni Bob Bennett, executive director sa NSAC, atol sa meeting. “I’ve reviewed their operations plan. They’re still in the process of completing it. It’s very comprehensive. We’re moving in the right direction. I’m pleased to see that we are all working in concert with a closed-system event, and I expect it to be very successful.”

Aduna pay laing lima ka mga sporting events ang anaa sa kalendaryo sa NSAC apan kini ipahigayon sa Hunyo 16, 18, 23, 25 ug 30. Hinuon wala pa kini mahisguti sa conference call.

Ang panagsangka nila ni Shakur Stevenson (13-0, 7 KOs), 2016 Olympic silver medalist sa Newark, New Jersey batok sa Puerto Rican nga si WBO featherweight champion Felix Caraballo (13-1-2, 9 KOs) sa 10-round non-title fight sa junior lightweight division.

Ang main event usab sa Hunyo 11 nga promotion mao ang sinukliay sa kumo tali nila ni Jessie Magdaleno (27-1, 18 KOs) sa Las Vegas ug Yenifel Vicente (36-4-2, 28 KOs) sa Dominican Republic.

Ang ESPN ug Top Rank gikatakdang mopahibawo sa tanang mga protagonista sa duha nila ka promotions.

Katapusang nakapahigayon og boxing sa Nevada sa wala pa gi-ban ang mga promotions tungod sa coronavirus disease niadtong Pebrero 28 didto sa Sam's Town Hotel and Gambling Hall sa Las Vegas. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph