ANG kanhi coach sa Minnesota Timberwolves nga si Tom Thibodeau maoy nag-una sa listahan sa New York Knicks nga maoy ipuli sa ilang gipalagpot nga si David Fizdale.
Si Thibodeau, kinsa mao usab ang presidenti sa basketball operation sa Timberwolves, gipalagpot niadtong Enero 2019.
Samtang si Fizdale gitaktak usab sa Knicks sa niaging Disyembre human sa 4-18 nga pagsugod sa ilang kampanya. Kini nahitabo sulod sa 19 ka buwan pa lang sa iyang upat ka tuig nga kontrata.
Matod pa nga nalakbitan na ang pangalan ni Thibodeau niadtong wala pa opisyal nga gitaktak si Fizdale. (JBM)