ABLI si kanhi heavyweight champion Evander Holyfield nga makigsangka sa ikatulong higayon batok sa laing kanhi world heavyweight titlist Mike Tyson alang sa usa ka charity bout, apan ubos sa kondisyon nga si Tyson maoy mopasiugda ug manghagad kaniya.
Sa dihang aktibo pa ang duha sa ilang professional career, si Tyson kaduha gyud mapildi ni Holyfield, lakip na niini kadtong kontrobersiyal nga pagpaak ni Tyson sa dawunggan ni Holyfield sa third round nga miresulta sa pagka disqualify sa nauna.
Si Tyson mipagawas og video sa iyang mga training sa miaging mga semana nga maoy nakapaintriga nga mobalik siya og saka sa ring. Si Holyfield, sa iyang bahin, mipahibawo usab sa iyang pagbalik alang sa usa ka charity fight pinaagi sa Instagram, sa sayong bahin ning buwana.
“If I ask him it’s almost like me being a bully saying I want to go against somebody I’ve beaten twice,” matod ni Holyfield sa interview sa BBC. “I don’t want pressure on me that ‘you just want to fight Mike because you know you can beat him.’
“If he hits me I’m going to hit back. I’m going to be 58, he’ll be 54, you talk about being in good health and doing things the proper way that respects it. I don’t have no problem with it.”
Si Tyson, ang unang heavyweight fighter nga nakahupot sa WBA, WBC ug IBF titles, miretiro human sa iyang kapildihan ni Kevin McBride sa 2005, samtang si Holyfield miisa sa iyang gloves sa tuig 2014. (JBM)