SUPERBALITA CEBU

Ferro: 35 ka pulis nga gi-Covid maayo og kahimtang

Police Brigadier General Albert Ignatius Ferro. (SunStar file)

HEPE sa Police Regional Office (PRO)-Central Visayas nihulagway nga lagsik ra ang 35 ka mga pulis sa Cebu City Police Office (CCPO) nga nagpositibo sa coronavirus disease (Covid-19) samtang naa sa barangay isolation center (BIC) sa Basak Pardo, Dakbayan sa Sugbo.

Hugot nga gi-monitor sa PRO-Central Visayas ang kahimtang sa 35 ka mga pulis nga nagpositibo sa Covid-19 nga naa gipahimutang sa Don Vicente Rama National High School.

Matod ni Police Brigadier General Albert Ignatius Ferro nga ang mga personnel sa Regional Health Service (RHS)-Central Visayas ang misusi matag karon ug unya sa panglawas sa mga police.

Gihulagway hinuon ni Ferro nga mga himsog ra ang iyang sakop.

Ang unang pulis nga gi-Covid negatibo na sa ikaduhang swab test.

“Most of them are doing well. Most of them are asymptomatic and they are having their second swab. One of our policeman na nag-positive sa una karon na-test sa second swab nya he was found to be negative na. So meaning, nag recover na siya. But since ang atong policy is those found positive should have two swabs,” matod ni Ferro.

Dugang ni Ferro nga mga pulis ra usab nga adunay background sa medisina sama sa nurse ug mga doctor nga misulod sa serbisyo sa Philippine National Police ang gi-augment sa RHS aron moatiman sa mga pulis nga magpositibo sa Covid.

Iyang gipasaligan ang mga pulis nga di pasagdan.

Ipaubos sila sa psychological intervention aron di maapektuhan ang panghuna-huna.

Gitakda ibalhin ang 35 ka mga pulis sa Covid recovery facility sa bukirang dapit sa Siyudad sa Sugbo. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph